மத்தியப் பிரதேசத்தில் 230 தொகுதிகளுக்கும் ஒரே கட்டமாகவும், சத்தீஸ்கரின் 70 தொகுதிகளில் இரண்டாம் கட்டமாகவும் இன்று நடைபெற்ற வாக்குப்பதிவு நிறைவடைந்தது.
மத்தியப் பிரதேசம் மாநிலத்தில் மொத்தம் 230 சட்டப்பேரவை தொகுதிகளில் ஒரே கட்டமாக தேர்தல் நடைபெறுகிறது. வாக்குப்பதிவு இன்று காலை 7 மணிக்கு தொடங்குகிறது. மத்தியப் பிரதேசத்தில் மொத்தம் 5.6 கோடி வாக்காளர்கள் உள்ளனர். இவர்களில் 2.88 கோடி பேர் ஆண்கள். 2.72 கோடி பேர் பெண்கள். இந்த தேர்தலில் 22.36 லட்சம் இளைஞர்கள் முதல்முறையாக வாக்களிக்க உள்ளனர். இந்த நிலையில், மாலை 5 மணி நிலவரப்படி, 71.11%வாக்குகள் பதிவாகி உள்ளன.
அதேபோல், சத்தீஸ்கர் மாநிலத்தில் மொத்தம் 90 சட்டப்பேரவை தொகுதிகளில், 1.63 கோடி வாக்காளர்கள் உள்ளனர். இவர்களில் 81.41 லட்சம் பேர் ஆண்கள், 81.72 லட்சம்
கடந்த 7-ஆம் தேதி, 20 தொகுதிகளில் முதல் கட்ட தேர்தல் நடைபெற்றது. இதில் 78 சதவீத வாக்குகள் பதிவாகின. இதைத்தொடர்ந்து இன்று 70 தொகுதிகளில் இரண்டாம் கட்டமாக தேர்தல் நடைபெறுகிறது. இந்த நிலையில், மாலை 5 மணி நிலவரப்படி, 67.34% வாக்குகள் பதிவாகி உள்ளன.
வாக்கு எண்ணிக்கை வரும் டிசம்பர் 3-ஆம் தேதி நடைபெறுகிறது.
