புதுதில்லி,நவம்பர்.26- இன்று 75ஆவது இந்திய அரசியல் அமைப்பு தினம் நாடு முழுவதும் கொண்டாடப்படுகிறது.
கடந்த 1949ஆம் ஆண்டு இந்திய அரசியலமைப்பு சட்டம் அரசியல் நிர்ணய சபையால் ஏற்றுக் கொண்டதைக் கொண்டாடும் வகையில் 2015 ஆண்டிலிருந்து ஒவ்வொரு ஆண்டும் நவம்பர் 26ஆம் தேதி இந்திய அரசியலமைப்பு தினமாகக் கொண்டாடப்படுகின்றது.
இந்திய அரசியலமைப்புச் சட்டத்தின் 75ஆம் ஆண்டை சிறப்பாகக் கொண்டாடும் விதமாக அரசு அலுவலகங்கள், அரசு சார்ந்த மற்றும் தன்னாட்சி நிறுவனங்கள், பள்ளி மற்றும் கல்லூரிகளில் இன்று காலை 11 மணிக்கு இந்திய அரசியலமைப்புச் சட்டத்தின் முகப்புரையை வாசிக்க முதலமைச்சர் மு.க.ஸ்டாலின் அறிவுறுத்தியுள்ளார்.
