புதுதில்லி,ஏப்.05- பஹல்காம் தாக்குதலில் உயிரிழந்த லெப்டினன்ட் வினய் நர்வாலின் மனைவி ஹிமான்ஷி குறித்து பரப்பப்படும் வெறுப்பு பேச்சுக்கு தேசிய மகளிர் ஆணையம் கடும் கண்டங்களை தெரிவித்துள்ளது.
பஹல்காம் பயங்கரவாத தாக்குதல் உயிரிழந்த லெப்டினன்ட் வினய் நர்வாலின் மனைவி ஹிமான்ஷி; எனது கணவர் இறப்புக்கு நிச்சயம் நியாயம் வேண்டும் ஆனால் இதில் சம்பந்தமில்லாத சாதாரண இஸ்லாமிய மக்கள் மீது வெறுப்பைப் பரப்பாதீர்கள் என பேசியிருந்தார்
இதனால் அவர் மீது சமூகவலைதளங்களில் வெறுப்பேச்சுக்களும் அவதூறு கருத்துக்களும் குறித்துப் பரப்பப்படுகிறது. இதற்கு எதிராக தேசிய மகளிர் ஆணையம் கடும் கண்டனங்களைத் தெரிவித்துள்ளது.
தேசிய மகளிர் ஆணையம் வெளியிட்டுள்ள அறிக்கையில்;
ஜம்மு காஷ்மீர் மாநிலம் பஹல்காமில் தீவிரவாதிகள் நடத்திய தாக்குதலில் அந்நாட்டு குடிமக்கள் பலர் கொல்லப்பட்டனர். இந்த தாக்குதலில், லெப்டினன்ட் வினய் நர்வால், மதம் குறித்துக் கேட்டதால், மற்றவர்களுடன் சேர்ந்து சுடப்பட்டார். இந்த தீவிரவாத தாக்குதலால் ஒட்டுமொத்த நாடும் வேதனையும், கோபமும் அடைந்துள்ளது.
லெப்டினன்ட் வினய் நர்வால் ஜியின் மரணத்திற்குப் பிறகு, அவரது மனைவி திருமதி ஹிமான்ஷி நர்வால் ஜி ஒரு அறிக்கை தொடர்பாக சமூக ஊடகங்களில் குறிவைக்கப்படுகிறார். இது மிகவும் கண்டிக்கத்தக்கது மற்றும் துரதிர்ஷ்டவசமானது. ஒரு பெண்ணை அவளது கருத்தியல் வெளிப்பாடு அல்லது தனிப்பட்ட வாழ்க்கையின் அடிப்படையில் ட்ரோல் செய்வது எந்த வகையிலும் ஏற்றுக்கொள்ள முடியாதது.
எந்தவொரு உடன்பாடும் அல்லது கருத்து வேறுபாடும் எப்போதும் கண்ணியம் மற்றும் அரசியலமைப்பு வரம்புகளுக்குள் வெளிப்படுத்தப்பட வேண்டும். ஒவ்வொரு பெண்ணின் கண்ணியத்தையும் மரியாதையையும் பாதுகாப்பதில் தேசிய மகளிர் ஆணையம் உறுதிபூண்டுள்ளது. என தெரிவிக்கப்பட்டுள்ளது
