6 மாநிலங்களவை உறுப்பினர் பதவிகளுக்கு டிசம்பர் 20-ஆம் தேதி இடைத்தேர்தல் நடைபெறும் என தேர்தல் ஆணையம் அறிவித்துள்ளது.
ஆந்திராவில் 3 மாநிலங்களவை எம்.பி-க்கள், ஒடிசா, மேற்குவங்கம், ஹரியானாவில் தலா ஒரு மாநிலங்களவை எம்.பி-க்கள் என 6 பேர் தங்கள் பதவியை ராஜினாமா செய்த நிலையில், 6 மாநிலங்களவை இடங்களுக்கான இடைத்தேர்தல் தேதியை தேர்தல் ஆணையம் அறிவித்துள்ளது.
அதன்படி, காலியாக உள்ள மாநிலங்களவை இடங்களுக்கு வரும் டிசம்பர் 20-ஆம் தேதி இடைத்தேர்தல் நடைபெற உள்ளது. தேர்தலில் போட்டியிடும் வேட்பாளர்கள் டிசம்பர் 3ஆம் தேதி முதல் டிசம்பர் 10ஆம் தேதி வரை வேட்புமனு தாக்கல் செய்யலாம் என அறிவிக்கப்பட்டுள்ளது. தேர்தல் முடிவுகள் டிசம்பர் 20-ஆம் தேதி மாலை அறிவிக்கப்பட உள்ளது.
