விராட் கோலி விரைவில் நன்றாக விளையாடுவார் என முதன்முறையாக தனது கருத்தை பிசிசிஐ தலைவர் சவுரவ் கங்குலி கூறியுள்ளார்.  

முன்னாள் கேப்டன் விராட் கோலி சர்வதேச போட்டிகளில் கடந்த 2019 ஆம் ஆண்டு நவம்பருக்கு பிறகு சதம் எதுவும் அடிக்கவில்லை. இங்கிலாந்துக்கு எதிராக விளையாடிய டி20 தொடரில் இரு ஆட்டங்களில் 1,11 என குறைவான ரன்களே எடுத்தார். முதல் ஒருநாள் ஆட்டத்தில் காயம் காரணமாக விளையாடவில்லை.  

இதனால் அவரை பல முன்னாள் வீரர்கள் விமர்சித்து வருகிறார்கள். மேலும் சில முன்னாள் கிரிக்கெட் வீரர்களும் அவர் விளையாட்டிலிருந்து ஓய்வு எடுக்க பரிந்துரைத்துள்ளனர்.

இந்நிலையில், முதன்முறையாக தனது கருத்தை பிசிசிஐ தலைவர் சவுரவ் கங்குலி தற்போது கூறியுள்ளார்.  சர்வதேச கிரிக்கெட்டில் அவர் செய்துள்ள சாதனைகளை பாருங்கள், அது திறமை மற்றும் தரம் இல்லாமல் நடக்காது. ஆம், அவர் தற்போது ஒரு கடினமான நேரத்தை அனுபவித்து வருகிறார். அது அவருக்குத் தெரியும். ஆனால் அவர் ஒரு சிறந்த வீரராக இருந்துள்ளார்.

அவர் மீண்டும் திரும்பி வந்து நன்றாகச் செயல்படுவதை நான் காணலாம். ஆனால் அவர் தனக்கான வழியைக் கண்டுபிடித்து வெற்றிபெற வேண்டும். அவர் கடந்த 12-13 ஆண்டுகளாக அல்லது அதற்கும் மேலாக களத்தில் இருக்கிறார். விராட் கோலியால் மட்டுமே அதைச் செய்ய முடியும்.

விளையாட்டில் இது அனைவருக்கும் நடந்துள்ளது. சச்சினுக்கும் நடந்தது, ராகுலுக்கும் நடந்தது, எனக்கும் நடந்தது, கோலிக்கும் நடந்தது. வருங்கால வீரர்களுக்கும் இது நடக்கும். இது விளையாட்டின் ஒரு பகுதி மற்றும் ஒரு விளையாட்டு வீரராக நீங்கள் கேட்க வேண்டும். அது என்ன என்பதை அறிந்து கொண்டு உங்கள் விளையாட்டை நீங்கள் விளையாட வேண்டும் என்று நான் நினைக்கிறேன் என்று கங்குலி கூறினார்.