கொரோனா பதற்றத்துக்கு இடையே தொடர்ந்து நடைபெற்று வரும் புரோ கபடி தொடரில் தற்போது இரண்டாம் சுற்று ஆட்டங்கள் நடைபெற்று வருகிறது. பெங்களூரு, தில்லி, ஹரியானா, மும்பை ஆகிய அணிகள் முதல் 4 இடத்தில் உள்ள நிலையில், தொடக்கத்தில் அசத்தலாக விளையாடி வந்த தமிழ்நாடு அணி தற்போது பார்ம் பிரச்சனையில் சிக்கியுள்ளது. தற்போதைய நிலையில் தமிழ்நாடு அணி 3 வெற்றி, 3 தோல்வி, 6 டை என 34 புள்ளிகளுடன் 9-வது இடத்தில் உள்ளது. இந்நிலையில், தனது 13-வது லீக் ஆட்டத்தில் பாட்னாவை எதிர்கொள்கிறது தமிழ்நாடு. இந்த போட்டியில் வெற்றி பெற்று தொடர் பார்ம் பிரச்சனைக்கு தமிழ்நாடு முற்றுப்புள்ளி வைக்கும் என எதிர்பார்க்கப்படுகிறது.