லண்டன்
கால்பந்து உலகில் பிரசித்தி பெற்ற யூரோ கோப்பை கால்பந்து தொடர் 4 ஆண்டுகளுக்கு ஒரு முறை நடத்தப்படுகிறது. தற்போது இந்த தொடரில் குரூப் சுற்று ஆட்டங்கள் நடைபெற்று வரும் நிலையில், 4-ஆம் நாளான இன்று (ஐரோப்பிய நேரப்படி) 2 ஆட்டங்கள் நடைபெறுகின்றன.
முதல் ஆட்டத்தில் ஹங்கேரி - போர்ச்சுக்கல் ஆகிய நாடுகள் மோதுகின்றன. இதில் போர்ச்சுக்கல் அணி நடப்பு சாம்பியன் (2016 சீசன்) அணியாகும். கால்பந்து உலகின் முதல் நிலை வீரரான கிறிஸ்டியானோ ரொனால்டோ போர்ச்சுக்கல் அணியில் இடம்பெற்றுள்ளார் என்பதும் சிறப்பு செய்தியாகும். இந்த ஆட்டம் இந்திய நேரப்படி இரவு 9:30 க்கு ஹங்கேரி தலைநகர் புடாபெஸ்டில் நடைபெறுகிறது.
மற்றொரு ஆட்டத்தில் நடப்பு உலக சாம்பியன் அணியான பிரான்சும் - முன்னாள் சாம்பியனான ஜெர்மனியும் களமிறங்குகின்றன. இந்த ஆட்டம் ஜெர்மனி நாட்டின் முக்கிய நகரான மூனிச்சில் நள்ளிரவு 12:30 மணிக்கு தொடங்குகிறது.