தென்காசி, செப்.12- தென்காசி மாவட்டம், வீரகேரளம்புதூர் வட்டம், கீழக்கலங்கல் மற்றும் மேலக்கலங்கல் கிராமத்திற்கான மனுநீதி நாள் முகாமில் 161 பயனாளிகளுக்கு 31 இலட்சத்து 79 ஆயிரத்து 848 மதிப்பிலான நலத்திட்ட உதவிகளை மாவட்ட ஆட்சித்தலைவர் ஏ.கே.கமல் கிஷோர் வழங்கினார். இந்நிகழ்ச்சியில். சட்டமன்ற உறுப்பினர் எஸ்.பழனிநாடார், தென்காசி வருவாய் கோட்டாட்சியர் லாவண்யா. வீரகேரளம்புதூர் வட்டாட்சியர் செ.சுடலைமணி, ஆலங்குளம் ஊராட்சி ஒன்றிய குழு தலைவர் திவ்யாமணிகண்டன், துணைத்தலைவர் செல்வகொடி ராஜாமணி, மாவட்ட கவுன்சிலர் முத்துலெட்சுமி அன்பழகன், ஒன்றிய கவுன்சிலர் பால சரஸ்வதி முருகையா மற்றும் அனைத்து துறை அலுவலர்கள், பொது மக்கள் கலந்து கொண்டனர். தமிழ்நாடு மெர்க்கன்டைல் வங்கியில் புதிய வேலைவாய்ப்பு அறிவிப்பு தூத்துக்குடி, செப்.12- தமிழ்நாடு மெர்க்கன்டைல் வங்கியில் ரூ.80 ஆயிரம் சம்பளத்துடன் புதிய வேலைவாய்ப்பு அறிவிப்பு வெளியிடப்பட்டுள்ளது. தூத்துக்குடியை தலைமையிடமாகக் கொண்டு இயங்கி வரும் தமிழ்நாடு மெர்க்கன்டைல் வங்கியில் LAW OFFICER போன்ற பல்வேறு பணிக்கான காலிப் பணியிடங்களை நிரப்புவது குறித்த அறிவிப்பு வெளியிட்டுள்ளது. விண்ணப்பதாரர்கள் அரசு மற்றும் அரசு அங்கீகாரம் பெற்ற பல்கலைக்கழகத்தில் BL/LAW தேர்ச்சி பெற்று இருக்க வேண்டும். அதிகபட்சம் 35 வயதிற்குள் இருக்க வேண்டும். தேர்வு செய்யப்படும் விண்ணப்பதாரர்களுக்கு மாத ஊதியமாக ரூ.40,000 - ரூ.80,000/- வழங்கப்படும். தகுதியான விண்ணப்பதாரர்கள் நேர்காணல் மூலம் தேர்வு செய்யப்படுவார்கள். தகுதி மற்றும் விருப்பமுள்ள விண்ணப்பதாரர்கள் தமிழ்நாடு மெர்க்கன்டைல் வங்கியின் அதிகாரப்பூர்வ இணையதளத்தில் விண்ணப்பிக்குமாறு அறிவுறுத்தப்படுகிறார்கள். 15.09.2024 ம் தேதிக்கு பின் பெறப்படும் விண்ணப்பங்கள் ஏற்றுக்கொள்ளப்படாது என தெரிவிக்கப்பட்டுள்ளது. மேலும் விவரங்களை அறிய https://www.tmbnet.in/tmb_careers/ என்ற இணையதள பக்கத்தில் பார்வையிடலாம் என தெரிவிக்கப்பட்டுள்ளது.
