ஓசூர், அக். 29- ஓசூர் பகுதியில் விலை வீழ்ச்சி காரணமாக முள்ளங்கி பயிர்களை விவசாயி ஒருவர் டிராக்டர் மூலம் விவசாயி அழித்தார். ஓசூர் அருகே உள்ள ஆலூர் தின்னூர் கிராமத்தை சேர்ந்தவர் விவசாயி ராமமூர்த்தி. இவர் தனக்கு சொந்தமான 2 ஏக்கர் நிலத்தில் முள்ளங்கி பயிரிட்டிருந்தார். இதற்காக அவர் 30 ஆயிரம் ரூபாய் வரை செலவு செய்துள்ளார். தற்போது சந்தைகளில் முள்ளங்கிகளுக்கு போதிய விலை கிடைக்கவில்லை எனக் கூறப்படுகிறது. ஒரு கிலோ முள்ளங்கி சந்தை யில் 18 முதல் 20 ரூபாய் வரை விற்பனை செய்யப்பட்டு வரும் நிலையில் விவசாய தோட்டங்களில் விவசாயிகளிடம் ஒரு கிலோ முள்ளங்கியை 4 ரூயாய்க்கு வியாபாரிகளால் விலை கேட்கப்படுவதாக விவ சாயிகள் கூறுகின்றனர். இதனால் பல விவசாயிகள் முள்ளங்கிகளை பறிக்காமல் அப்படியே தோட்டத்தில் விட்டு விட்டனர். முள்ளங்கி விலை வீழ்ச்சி யடைந்ததால் வேதனையடைந்த விவசாயி ராமமூர்த்தி தனது 2 ஏக்கர் நிலத்தில் பயி ரிட்டிருந்த முள்ளங்கிகளை டிராக்டர் கொண்டு உழுது அழித்தார். இதில் சுமார் 15 டன் முள்ளங்கிகள் சேதமானதாக வேதனையுடன் தெரிவித்தார்.
