60 ஆண்டுகளாக குடியிருக்கும் மக்களுக்கு பட்டா வழங்க மறுப்பது ஏன்?

சென்னையின் புறநகர் பகுதியாக  வேளச்சேரி இருந்தது. வேளச்சேரி ஏரி, வீராங்கல் ஓடை, ஆதம்பாக்கம் ஏரி உள்ளிட்ட நீர்நிலைகளையொட்டி விவசாயம் நடந்தது வந்தது. நகர மயமாதலால் விவசாயம் அழிந்து அந்த பகுதிகள் குடியிருப்பு களாக மாறின. பெரு நகர வளர்ச்சி யின் காரணமாக அதி வேகமாக வேளச்சேரி வளர்ந்தது. இதனையொட்டி பல்வேறு பகுதிகள் உருவாகின. குறிப்பாக, வேளச்சேரி ஏரியின் பெரும்பகுதியை மனைகளாக பிரித்து அரசே விற்பனை செய்தது. அதாவது, 265 ஏக்கர் பரப்பளவு கொண்ட வேளச்சேரி ஏரி தற்போது 55 ஏக்கர் மட்டுமே கொண்ட நீர்ப்பிடிப்பு பகுதியாக உள்ளது.  200 ஏக்கர் ஏரியை தமிழ்நாடு வீட்டு வசதி வாரியம், குடிசைமாற்று வாரியம் வாயிலாக மனைகளாக பிரித்து விற்றது. இதனையொட்டி அம்பேத்கர் நகர், கக்கன் நகர், நேரு நகர், பெரியார் நகர், காமராஜபுரம், லட்சுமிபுரம், ஏ.எஸ்.கே.நகர், இந்திரா காந்தி நகர்,  உள்ளிட்ட பகுதிகள் அமைந்துள்ளன. இங்குள்ள பல ஆயிரம் குடும்பங்களுக்கு சப்-டிவிஷன் செய்து அரசு பட்டா கொடுத்துள்ளது.  அதேசமயம் ஏரிக்கரையின் மீது உள்ள காந்தி நகர், சசி நகரில் உள்ள 1500க்கும் மேற்பட்ட வீடுகளுக்கு பட்டா வழங்கப்படாமல் உள்ளது. இந்த குடியிருப்புகளை ஆக்கிர மிப்புகளாக வகைப்படுத்தி 2009ம் ஆண்டு ஜனவரி மாதம் அரசு நோட்டீஸ் வழங்கியது. அப்போது மார்க்சிஸ்ட் கம்யூனிஸ்ட் கட்சி தலைமை தொடர் போராட்டங்களை நடத்தியது. இதுதொடர்பாக உயர்நீதிமன்றத்தில் வழக்கும் தொடுக்கப்பட்டது.  இந்த வழக்கு (எண் 7664/2009) விசாரணையின்போது, “பொதுப்பணித்துறை தலைமைப் பொறியாளர் மாவட்ட ஆட்சியருக்கு  2.4.2002 அன்று அனுப்பிய கடிதத்தில், சர்வே எண் 123/1, ஏற்கெனவே இருந்த நீர்நிலை அமைப்பிலிருந்து குடியிருப்பு பகுதியாக மாற்றப்பட்டு விட்டதாக தெரிவித்துள்ளது. எனவே,  அரசாணை 854/2005 மற்றும் 34/2008 ன் படி குடிமனைப் பட்டா வழங்க அரசு பரிசீலிக்க வேண்டும் என்று தீர்ப்பளித்தது.

இந்த தீர்ப்பை அரசு நிறைவேற்றவில்லை. மாறாக, பசுமை தீர்ப்பாயம் தாமாக முன்வந்து ஒரு வழக்கை பதிவு செய்து, விவரங்களை கோரி யுள்ளது. அதற்கு முறையாக பதி லளிக்க இயலாத பொதுப்பணித் துறை, 2018ல் ஆண்டு நீதி மன்றம் பிறப்பித்த ஒரு உத்தர வின் அடிப்படையிலும், பசுமைத் தீர்ப்பாயத்தின் வழக்கு அடிப்படையிலும் கடந்த மாதம் 22ந் தேதி மக்களுக்கு நோட்டிஸ் கொடுத்துள்ளது. இதனை கண்டித்து மார்ச் 1 அன்று அந்தப்பகுதி யில் ஊர்க்கூட்டம் நடைபெற்றது. அதில் கலந்து கொண்ட மார்க்சிஸ்ட் கம்யூனிஸ்ட் கட்சியின் அரசி யல் தலைமைக்குழு உறுப்பினர் ஜி.ராமகிருஷ்ணனிடம், காந்திநகர்-சசிநகர் பொதுநலச் சங்கத்தின் சார்பில் கோரிக்கை மனு அளிக்கப் பட்டது.  அப்போது பேசிய ஜி.ராம கிருஷ்ணன், “வேளச்சேரி ஏரி கரையோரம் வசிக்கும் மக்களில் பெரும்பகுதியினர் முறைசாரா தொழிலாளர்களாக உள்ளனர். மாணவர்களில் பெரும் பகுதியி னர் அரசுப்பள்ளியில் படிப்பவர்க ளாகவும் உள்ளனர். எனவே, எளிய மக்களை அரசு அச்சுறுத்தக் கூடாது.  2009ம் ஆண்டு பட்டா வழங்க உயர்நீதிமன்றம் தீர்ப்பளித்தும் 14 ஆண்டுகளாக பட்டா வழங்காமல் இருப்பது சரியல்ல. எனவே, நீதி மன்ற தீர்ப்பின் அடிப்படையில் தமிழக அரசு குடிமனைப்பட்டா வழங்க வேண்டும். இதற்காக களப்போராட்டத்தையும், சட்டப் போராட்டத்தையும் இணைத்து நடத்துவோம். ஏரியை பாதுகாக்க மக்களோடு இணைந்து நிற்போம்” என்றார்.