கமல் நடிப்பில் 1996 ல் வெளியான படம் இந்தியன். ஷங்கர் இயக்கிய இந்தப் படத்தின் இரண்டாம் பாகம் இந்தியன் - 2 என்ற பெயரில் தயாராகி வருகிறது. காஜல் அகர்வால், சித்தார்த், ரகுல் ப்ரீதி சிங், பிரியா பவானி சங்கர் நடிக்கிறார்கள். இதன் சில காட்சிகளை சென்னை விமான நிலையத்தில் படம் பிடித்தார்கள். அதற்காக ஒரு கோடியே 24 லட்சம் ரூபாய் கட்டணமாகச் செலுத்தியிருக்கிறார்களாம். ஆனால் தற்போது படப்பிடிப்பு விமான நிலையத்தில் அனுமதியளிக்கப்பட்ட பகுதிகளை விட்டு வேறு இடங்களிலும் நடத்தப்பட்டதாகவும் அதனால் அதிகாரிகள் படப்பிடிப்பு நடத்தவிடாமல் செய்துவிட்டதாகவும் கூறப்படுகிறது. படக்குழுவினரோ இதனை மறுக்கவும் செய்துள்ளார்கள்.
