ரியாத், ஆக. 6- சவூதி அரேபியாவில் அதிவேக ரயில் களை ஓட்டும் பயிற்சியை 31 பெண்கள் முடித்துள்ளனர். கடந்த ஜனவரி மாதம் தொடங்கிய நடைமுறைப் பயிற்சியின் முதல் கட்டத் தேர்வில் தேர்ச்சி பெற்று பயிற்சியை அவர்கள் நிறைவு செய்துள் ளனர். இதுகுறித்து ஸ்பானிஷ் செய்தித் தாள் “எல்பெரியோடிகோ” வெளியிட் டுள்ள செய்தியில், பயிற்சியாளர்கள் இரண்டாம் கட்டத்திற்குள் நுழைந்தனர், இது சுமார் 5 மாதங்கள் நீடிக்கும், மேலும் பயிற்சியாளர்கள் தொழில்முறை ஓட்டுநர் கள் முன்னிலையில் காக்பிட்டில் நடை முறை பயிற்சிக்காக ரயில்களை ஓட்டுவதில் பங்கேற்பார்கள். பயிற்சி பெற்றவர்கள் வரும் டிசம்பர் இறுதிக்குள் அனைத்து சோதனைகள் மற்றும் பயிற்சியில் தேர்ச்சி பெற்ற பிறகு சவூதி நகரங்களுக்கு இடையே தனியாக ரயில்களை ஓட்டத் தொடங்குவார்கள் என்று எதிர்பார்க்கப்படுகிறது. சவூதி பெண்கள் போக்குவரத்து விதிமுறை கள், பாதுகாப்பு, பணி விபத்துகள், தீ விபத்து, ரயில் மற்றும் உள்கட்டமைப்பு தொடர்பான தொழில்நுட்ப அம்சங்கள் உட்பட பல நடைமுறை பயிற்சிகளில் தேர்ச்சி பெற்றுள்ளனர். அடுத்த சில ஆண்டுகளில் குறிப்பாக ஹஜ் மற்றும் உம்ரா காலங்களில் ரயில் பயணத்திற்கான தேவை கணிசமாக அதிகரிக்கும் என எதிர்பார்க்கப்படுவ தால், சவூதி அரேபியாவில் ஆண் மற்றும் பெண் ஓட்டுநர்களின் எண்ணிக்கை வரும் காலகட்டங்களில் அதிகரிக்கும் என தகவல்கள் தெரிவிக்கின்றன.
