உலகளாவிய தொழில்நுட்பத் துறையில் வேலை இழப்பு அலை : இந்தியாவும் தப்பவில்லை

2024ஆம் ஆண்டின் ஆகஸ்ட் மாதம், தொழில்நுட்பத் துறையில் பெரும் அதிர்வலைகளை ஏற்படுத்தி யுள்ளது. உலகம் முழுவதும் 27,000க்கும் மேற்பட்ட தொழில்நுட்ப வேலைகள் இழக்கப் பட்டுள்ளன. இந்த ஆண்டின் தொடக்கம் முதல் இதுவரை, 422க்கும் மேற்பட்ட நிறு வனங்களில் 1,36,000க்கும் அதிகமான தொழில்நுட்ப  ஊழியர்கள் தங்கள் வேலைகளை இழந்துள்ளனர். இந்த எண்ணிக்கை தொடர்ந்து அதிகரித்து வருகிறது. பன்னாட்டு நிறுவனங்களான இன்டெல் (Intel), சிஸ்கோ(Cisco), ஐபிஎம்(IBM), இன்ஃபினியன் (Infineon), கோபுரோ(Gopro), ஆப்பிள்(Apple)  மற்றும் டெல்( Dell) போன்றவை குறிப்பிடத்தக்க அளவில் ஊழியர்களை வேலை நீக்கம் செய்துள்ளன. இன்டெல்(Intel) மட்டும் 15,000 பணியாளர்களை நீக்கியுள்ளது, இது அதன் மொத்த ஊழியர்களில் 15 சதவீதமாகும். சிஸ்கோ (Cisco) 6,000 ஊழியர்களை நீக்கியுள்ளது, இது அதன் உலகளாவிய பணியாளர்களில் 7 சதவீதமாகும். இந்த வேலை இழப்புகள் பல்வேறு காரணங்களால் ஏற்பட்டுள்ளன. பொருளாதார நிச்சயமற்ற தன்மை, நிதி சூழ்நிலைகள் மற்றும் நிறுவனங்களின் மறுசீரமைப்பு திட்டங்கள் ஆகியவை முக்கியப் பங்கு வகிக்கின்றன. பல நிறுவனங்கள் செயற்கை நுண்ணறிவு (AI) மற்றும் இணைய பாதுகாப்பு போன்ற உயர் வளர்ச்சி துறைகளில் கவனம் செலுத்துவதற்காக இந்த மாற்றங்களை செய்கின்றன.

இந்தியாவில்...

இந்தியாவும் இந்த உலகளாவிய போக்கி லிருந்து தப்பவில்லை. பல முன்னணி இந்திய தொழில்நுட்ப நிறுவனங்கள் கணிசமான அளவில் ஊழியர்களை வேலை நீக்கம் செய்துள்ளன. ரிலையன்ஸ்( Reliance) மற்றும் கூகுள் (Google) ஆதரவு பெற்ற துன்கோ (Dunzo)  75% ஊழியர்களை வேலை நீக்கம் செய்துள் ளது. ஒரு காலத்தில் 775 மில்லியன்  டாலர்  மதிப்பீடு பெற்றிருந்த துன்கோ, தற்போது நிதி திரட்டுவதில் பெரும் சவால்களை எதிர்கொண்டுள்ளது. மேலும் பேடிஎம்( Paytm), அன் அகாடமி (Unacademy) மற்றும் ஓலா (Ola Electric) போன்ற நிறுவனங்கள் ஜூன் முதல் ஆகஸ்ட் வரை நூற்றுக்கணக்கான தொழில்நுட்ப வேலை களை குறைத்துள்ளன. கல்வித் துறையில் முன்னணியில் இருந்த பை ஜூஸ்(Byju’s) 2500க்கும் மேற்பட்ட ஊழியர்களை வேலை நீக்கம் செய்துள்ளது. உணவு விநியோக துறை யில் முன்னணியில் உள்ள ஸ்விக்கி (Swiggy) 380 ஊழியர்களையும், இ-காமர்ஸ் துறையில் உள்ள மீஷோ (Meesho) 251 ஊழியர்களையும் வேலை நீக்கம் செய்துள்ளன. இந்த வேலை இழப்புகள் இந்திய தகவல் தொழில்நுட்பத் துறையின் மாற்றங்களையும் சவால்களையும் பிரதிபலிக்கின்றன. நிறுவன ங்கள் தங்கள் செயல்திறனை மேம்படுத்தவும், செலவுகளை குறைக்கவும் முயற்சிக்கின்றன. அதே நேரத்தில்,  செயற்கை நுண்ணறிவு (AI) மற்றும் இணைய பாதுகாப்பு போன்ற புதிய தொழில்நுட்பங்களில் முதலீடு செய்கின்றன. இந்த மாற்றங்கள் தொழில்நுட்பத் துறை ஊழியர்களுக்கு புதிய சவால்களையும், வாய்ப்பு களையும் உருவாக்குகின்றன. புதிய திறன்களை வளர்த்துக்கொள்வதும், மாறிவரும் தொழில்நுட்ப சூழலுக்கு ஏற்ப தங்களை தகவமைத்துக் கொள்வதும் அவசியமாகிறது. இந்த நிலையில், தொழில்நுட்ப துறை ஊழியர்கள் தொடர்ந்து கற்றுக்கொள்வதும், புதிய திறன்களை வளர்த்துக்கொள்வதும் முக்கியமாகிறது என இந்த வட்டாரங்கள் தெரிவிக்கின்றன.