மாற்றுத்திறனாளிகளுக்கு வேலைவாய்ப்புக்கான ‘இடம்’
100 காதி விற்பனை நிலையங்கள் அமைக்க திட்டம்
மாற்றுத்திறனாளிகள் மற்றும் அவர்களது பெற்றோருக்கு வேலைவாய்ப்பு வழங்குவதற்காக மாநிலத்தில் 100 காதி விற்பனை நிலையங்கள் திறக்கப்படும் என்று உயர்கல்வி மற்றும் சமூக நீதித்துறை அமைச்சர் ஆர்.பிந்து தெரிவித்தார். வரம்புகளுக்கு அப்பால் திறன் திட்டத்தின் கீழ் ஏபிள் பாயிண்ட் என்ற பெயரில் இந்த விற்பனை நிலையங்கள் அமைக்கப்படும். மாற்றுத்திறனாளிகளின் சமூக உள்ளடக்கம் மற்றும் பொருளாதார அதிகாரமளிப்பை நோக்கமாகக் கொண்டு, மாநில மாற்றுத்திறனாளிகள் நலக் கழகம் மற்றும் பாரதிய காதி கிராமத் தொழில் கூட்டுறவு சங்கம் இணைந்து இந்தத் திட்டத்தைச் செயல்படுத்தும். ஒரு விற்பனை நிலையம் இரண்டு பேருக்கு வேலைவாய்ப்பை வழங்கும். சம்பளமாக தலா ரூ.15,000 வழங்க முடிவு செய்யப்பட்டுள்ளது. மக்கள் தொகை அடர்த்தியான பகுதிகள், மாவட்ட நிர்வாக மையங்கள், உள்ளாட்சி அமைப்புகள் மற்றும் மாவட்ட/தாலுகா மருத்துவமனை பகுதிகளில் ஏபிள் பாயிண்ட் துவக்கப்படும். இது விரைவாக அமைத்து எளிதாக இடமாற்றம் செய்யக்கூடிய ஒரு தனித்த மாடுலர் அலகாக இருக்கும். ஒரு அலகுக்கு எதிர்பார்க்கப்படும் செலவு ரூ.5 லட்சம். கேரள மாநில பனை பொருட்கள் மேம்பாட்டுக் கழகத்துடன் இணைந்து மாநில மாற்றுத்திறனாளிகள் நலக் கழகத்தால் செயல்படுத்தப்படும் ‘இடம்’ திட்டம், மேலும் பல பகுதிகளுக்கு விரிவுபடுத்தப்படும் என்று அமைச்சர் ஆர்.பிந்து தெரிவித்தார். பனம் கல்கண்டு, கருப்பட்டி, பல்வேறு வகையான பழச்சாறுகள், நுங்கு ஷர்பத், சுக்குகாப்பி, மாற்றுத்திறனாளிகளால் தயாரிக்கப்படும் பொருட்கள் மற்றும் பால் உள்ளிட்ட அங்கீகரிக்கப்பட்ட பிற பொருட்களுக்கான சந்தைப்படுத்தல் மையமாக ‘இடம்’ இருக்கும் என்று அமைச்சர் கூறினார்.