பொதுத் துறை வங்கிகளிடமிருந்து பெற்ற கடனை வேண்டுமென்றே திருப்பிச் செலுத்தாத கார்ப்பொரேட் கடனாளிகள் பற்றி கோவை நாடாளுமன்ற உறுப்பினர் திரு.பி.ஆர்.நடராஜன் அவர்கள்,மக்களவையில் எழுப்பிய கேள்விகளும், அதற்கு 18.11.19 அன்று, மத்திய நிதி அமைச்சகத்தின் ராஜாங்க மந்திரி மாண்புமிகு திரு.அனுராக் சிங் அவர்கள் தெரிவித்த பதில்களும் பின்வருமாறு:
கேள்வி
(a நாடு முழுவதும் உள்ள பொதுத்துறை வங்கிகளில் பெற்ற கடனை வேண்டுமென்றே திருப்பிச் செலுத்த தவறிய கார்ப்பொரேட்டுகளை அரசாங்கம் இதுவரை அடையாளம் கண்டுள்ளதா?
b) அப்படியானால், அந்த நிறுவனங்கள் மற்றும் தனிப்பட்ட கார்ப்பொரேட்டுகளின் பெயர்கள் மற்றும் நிலுவைத் தொகை, பற்றிய விவரங்கள் தேவை.
(c) அந்த நிலுவைத் தொகையை வசூலிக்க அரசாங்கம் மேற்கொண்ட முயற்சிகளின் விவரங்கள் என்னென்ன?
பதில்:
அ) & (ஆ): பொதுத்துறை வங்கிகளிடமிருந்து (PSBs) பெற்ற கடனை வேண்டுமென்றே திருப்பி செலுத்த தவறிய தனிப்பட்ட கார்ப்ரேட்டுகள் மற்றும் கார்ப்பரேட் நிறுவனங்களை அடையாளம் காணல் மற்றும் அவர்களின் பெயர்கள் மற்றும் நிலுவையில் உள்ள கடன் தொகை பற்றிய விவரங்கள் தொடர்பாக இந்திய ரிசர்வ் வங்கி தெரிவித்துள்ள விவரங்களின் படி, பெரிய கடன்களுக்கான மத்திய களஞ்சியத்தின் (சி.ஆர்.ஐ.எல்.சி) தரவுத் தளத்தில், மொத்த நிதி அடிப்படையிலான மற்றும் நிதி அல்லாத அடிப்படையிலான ரூ .5 கோடி மற்றும் அதற்கு மேற்பட்ட வெளிப்பாடுகளைக் கொண்ட அனைத்து கடன் பெற்றவர்களின் சில கடன் தகவல்களை வங்கிகள் தெரிவிக்கின்றன. ஆர்.பி.ஐ மேலும் தெரிவித்துள்ளது என்னவெனில், பிப்ரவரி 2019 முதல், CRILCயின் ஒரு பகுதியாக, அறிக்கை அளித்த நிறுவனங்களின் படி, வேண்டுமென்றே கடனை திருப்பி செலுத்த தவறியுள்ளவர்களாக குறிப்பிடப் பட்டவர்களின் தகவல்கள், அவர்களின் நிதி முன்பணங்கள், நிலுவையில் உள்ள தொகை மற்றும் விவேகத்துடன் / தொழில்நுட்ப ரீதியாக தள்ளுபடி செய்த தொகை 30.09.2019 அன்று உள்ள படி,CRILC இல், PSB களால் அறிவிக்கப்பட்டபடி, ரிசர்வ் வங்கியால் வழங்கப்பட்ட பின் இணைப்பில் தரப்பட்டுள்ளது.
(இ) கடனை திருப்பி செலுத்த தவறியவர்களிடமிருந்து, நிலுவைத் தொகையை பெற அரசாங்கம் எடுத்த பல முயற்சிகள் கீழ்க்கண்டவாறு:
(1) செயல்படாத சொத்து (NPA) என வகைப்படுத்தப்பட்ட, ரூ.50 கோடிக்கு மேல் உள்ள அனைத்து கணக்குகளையும்,சாத்தியமான மோசடியின் கோணத்திலிருந்து ஆராயவும்,
வேண்டுமென்றே திருப்பி செலுத்த தவறியது மோசடி என புகார் அளிக்கப்பட்டால் உடனடியாக அதனை ஆராய முயற்சி எடுக்குமாறு அனைத்து பொதுத் துறை வங்கிகளும் கேட்டுக்கொள்ளப்பட்டு உள்ளன.
(2) பொதுத்துறை வங்கிகளின் தரவுகளின் படி, வேண்டுமென்றே கடனை திருப்பி செலுத்த தவறியவர்களுக்கு எதிராக 30.09.2019 வரை சட்ட நடவடிக்கைகள் எடுக்கப்பட்டுள்ளன. நிலுவைத் தொகை வசூலித்தல் தொடர்பாக 9675 வழக்குகள் பதியப்பட்டுள்ளன. பாதுகாக்கப்பட்ட சொத்துக்கள் சம்பந்தப்பட்ட வழக்குகளில், Sucuritisation and Reconstruction of Financial Assets and Enforcement of Security Interest (SARFAESI) சட்டம், 2002ன் படி, 7698 வழக்குகளில் நடவடிக்கைகள் தொடங்கப்பட்டுள்ளன. மேலும், ரிசர்வ் வங்கியின் அறிவுறுத்தல்களின் படி, தேவையான இடங்களில் , குற்றவியல் நடவடிக்கைகளைத் தொடங்க, 3281 வழக்குகளில் எஃப்.ஐ.ஆர் பதிவு செய்யப்பட்டுள்ளது.
3) ரிசர்வ் வங்கியின் அறிவுறுத்தல்களின் படி, வேண்டுமென்றே கடனைத் திருப்பி செலுத்த தவறிய கடனாளிகளை தடை செய்வதற்காக, அவர்களுக்கு கூடுதல் வசதிகள் ஏதும் வங்கிகள் மற்றும் நிதி நிறுவனங்களால் செய்யப்படவில்லை. அப்படிப்பட்ட கடனாளிகள் நிறுவனங்கள் புதிய நிறுவன முயற்சிகளில் ஈடுபடுவதிலிருந்து தடை செய்யப்பட்டுள்ளன. மேலும், இந்திய பத்திரங்கள் மற்றும் பரிவர்த்தனை வாரியம் (பங்குகளை கணிசமாக கையகப்படுத்துதல், கையகப்படுத்துதல்) (இரண்டாவது திருத்தம்) விதிமுறைகள் 2016 ன் படி, வேண்டுமென்றே கடனை திருப்பி செலுத்த தவறியவர்கள் மற்றும் இது போன்றோரை விளம்பரதாரர்களாக/ இயக்குநர்களாக கொண்ட நிறுவனங்கள் நிதி திரட்டுவதற்காக மூலதன சந்தைகளை மதிப்பிடுவதிலிருந்து தடை செய்யப்பட்டுள்ளன. கூடுதலாக, திவால் நிலை, மற்றும் திவால் குறியீடு (IBC) அமைப்பு, இவர்களை திவால் சம்பந்தப்பட்ட செயல்பாடுகளில் ஈடுபடுவற்கு தடை விதித்துள்ளது.
(4) வேண்டுமென்றே கடனை திருப்பி செலுத்த தவறிய கடனாளிகள், இந்திய அதிகார வரம்பிலிருந்து, வெளியேறுவதற்கு எதிராக, தப்பியோடிய பொருளாதார குற்றவாளிகள் சட்டம் 2018 உருவாக்கப்பட்டு, இதன் அடிப்படையில், அவர்களது சொத்துக்களை பறிமுதல் செய்யவும், பறிமுதல் தொடர்பாக, அவர்கள் சிவில் முறைகளில் உரிமை கோருவதை மறுப்பதற்கும் வழிவகை செய்யப்பட்டுள்ளது.
(5) ரிசர்வ் வங்கியின் அறிவுறுத்தல்களின் படியும், சம்பந்தப்பட்ட வாரியத்தால் ஏற்பளிக்கப்பட்ட கொள்கைகளின் படியும்,வேண்டுமென்றே கடனை திருப்பிச் செலுத்த தவறிய கடனாளிகளின் புகைப்படங்களை வெளியிடுவது குறித்து முடிவு செய்யுமாறு பொதுத்துறை வங்கிகள் (PSBs) அரசாங்கத்தால் அறிவுறுத்தப்பட்டு உள்ளன.
(6) ரூபாய் 50 கோடிக்கும் அதிகமாக கடன் பெற விரும்பும் நிறுவனங்களின் விளம்பரதாரர்கள் / இயக்குநர்கள் மற்றும் பிற அங்கீகரிக்கப்பட்ட, கையொப்பமிட அதிகாரம் பெற்றவர்களின் பாஸ்போர்ட்டின் சான்றளிக்கப்பட்ட நகல்களை பெறுமாறு அனைத்து பொதுத்துறை வங்கிகளையும் அரசாங்கம் அறிவுறுத்தி உள்ளது.
(7) லுக் அவுட் சுற்றறிக்கைகளை வழங்குமாறு கோருவதற்கு பொதுத்துறை வங்கிகளின் தலைவர்களுக்கு அதிகாரம் வழங்கப்பட்டுள்ளது.