மத்திய நிதித்துறை செயலாளர் நியமனம்

புதுதில்லி:
மத்திய நிதித்துறை செயலாளராக ராஜீவ் குமார் நியமிக்கப் பட்டுள்ளார். இதற்குமுன் மத்திய நிதித்துறை செயலாளராக இருந்த சுபாஷ் சந்திர கார்க், மின்துறை செயலாளராக மாற்றப்பட்டார். அவர் விருப்ப ஓய்வுக்கு விண்ணப்பித்துள்ளார்.  இதையடுத்து, காலியாக உள்ள நிதித்துறை செயலாளர் பதவிக்கு ராஜீவ் குமார் நியமிக்கப்பட்டுள்ளார். இந்த நியமனத்துக்கு பிரதமர் மோடி தலைமையிலான மத்திய அமைச்சரவையின் நியமனங்கள் குழு ஒப்புதல் அளித்துள்ளது. ராஜீவ் குமார் தற்போது நிதிச்சேவைகள் செயலாளராக பணியாற்றி வருகிறார். இவர், 1984-ம் ஆண்டு பிரிவை சேர்ந்த ஐ.ஏ.எஸ். அதிகாரி ஆவார்.