பெரம்பலூர் வேட்பாளர் பாரிவேந்தரை ஆதரித்து இந்திய கம்யூனிஸ்ட் கட்சி (மார்க்சிஸ்ட்) குளித்தலை ஒன்றியக்குழு சார்பில் அய்யர்மலை உள்ளிட்ட பகுதிகளில் தெருமுனை பிரச்சாரக் கூட்டம் மற்றும் திருச்சி வெண்மணி கலைக்குழுவின் கலைநிகழ்ச்சி நடைபெற்றது. மாவட்ட செயற்குழு உறுப்பினர் ராஜூ, மாவட்டக்குழு உறுப்பினர் இரா.முத்துச்செல்வன், ஒன்றியக் குழு உறுப்பினர் பிரபாகரன், கண்ணியம்மாள் உள்ளிட்டோர் கலந்து கொண்டனர்.
இராமநாதபுரம் நாடாளுமன்றத் தொகுதி இந்திய யூனியன் முஸ்லிம் லீக் வேட்பாளர் நவாஸ் கனிக்கு வாக்கு கேட்டு மார்க்சிஸ்ட் கம்யூனிஸ்ட் கட்சி சார்பாக மணமேல்குடி பகுதிகளில் மாவட்டச் செயலாளர் எஸ்.கவிவர்மன், ஒன்றியச் செயலாளர்கள் தென்றல் கருப்பையா, கரு.ராமநாதன், மாவட்டக் குழு உறுப்பினர் ஏ.பாலசுப்பிரமணி்யன் உள்ளிட்டோர் பிரச்சாரம் செய்தனர்.