சிபிஐ மூத்த தலைவர் நல்லகண்ணு உடல்நலம் பற்றி அமைச்சர் மா.சுப்பிரமணியம் மற்றும் சிபிஐ மாநிலச் செயலாளர் முத்தரசன் ஆகியோரும் விசாரித்து வருகிறதாக முதலமைச்சர் மு.க.ஸ்டாலின் தெரிவித்துள்ளார்.
இந்தியக் கம்யூனிஸ்ட் கட்சியின் மூத்த தலைவர் இரா. நல்லகண்ணு சென்னையில் உள்ள ராஜீவ்காந்தி அரசு பொது மருத்துவமனையில் சிறப்பு தீவிரச் சிசிச்சை பிரிவில் அனுமதிக்கப்பட்டு சிகிச்சை பெற்று வருகிறார். தற்போது நல்லகண்ணு உடல்நிலை சீராகி இயல்பு நிலைக்கு வேகமாக திரும்பி, முன்னேற்றம் கண்டு வருகிறது என மருத்துவர்கள் தெரிவித்தனர். இந்த நிலையில், நல்லகண்ணு உடல்நலம் பற்றி அமைச்சர் மா.சுப்பிரமணியம் மற்றும் சிபிஐ மாநிலச் செயலாளர் முத்தரசன் ஆகியோரும் விசாரித்து வருகிறதாக முதலமைச்சர் மு.க.ஸ்டாலின் தெரிவித்துள்ளார்.
இது குறித்து அவர் தனது எக்ஸ் பதிவில் கூறியதாவது:
“உடல்நலிவுற்று மருத்துவமனையில் சிகிச்சை பெற்று வரும் தகைசால் தமிழர் தோழர் நல்லகண்ணு அய்யா அவர்களது உடல்நலன் குறித்து தோழர் முத்தரசன் அவர்களிடமும் - மாண்புமிகு அமைச்சர் மா.சுப்பிரமணியம் அவர்களிடமும் தொடர்ந்து நலன் விசாரித்து வருகிறேன். நல்லகண்ணு அய்யா அவர்கள் விரைந்து நலம்பெற விழைகிறேன்.” இவ்வாறு அவர் தெரிவித்துள்ளார்.