சென்னை, ஜூலை 28-  ஜிஎஸ்டி கவுன்சில் கூட்டத்தில் 61 பொருட்களுக்கு வரி குறைப்பு மற்றும் வரி விலக்கிற்கான கோரிக்கை வைத்துள்ளோம் என்று அமைச்சர் ஜெயக்குமார் கூறியுள்ளார். 36-வது ஜிஎஸ்டி கவுன்சில் கூட்டத்தில் கலந்து கொண்ட பின்னர் அமைச்சர் ஜெயக்குமார் சென்னை திரும்பியபோது விமானநிலையத்தில் செய்தியாளர்களிடம் பேசுகையில்,  தமிழ் மொழியைப் போன்ற தொன்மையான மொழி எதுவும் கிடையாது. 12ஆம்  வகுப்பு ஆங்கில பாடத்திட்டத்தில் தமிழ்மொழியை குறைத்து பதிவு செய்தவர்கள் மீது நடவடிக்கை எடுக்கப்படும். எலக்ட்ரானிக், பேட்டரி கார்களுக்கு 5விழுக்காடு வரியை குறைக்க கோரிக்கை  வைத்தோம். மேலும் 61 பொருட்களுக்கு வரி குறைப்பு, வரி விலக்கிற்கான கோரிக்கை வைத்துள்ளோம். பதவி வழங்கவில்லை என்பதற்காக அதிமுகவினர் யாரும் கட்சியை விமர்சிக்கக் கூடாது. எனக்கும்கூட சீட் மறுக்கப்பட்டுள்ளது நான் அழுதேனா?, பொறுப்பில் இல்லை என்றவுடன் கட்சியையும் கட்சியில் இருப்பவர்களையும் விமர்சிப்பது ஏற்புடையது அல்ல என்றார் ஜெயக்குமார்.