தூத்துக்குடி, நெல்லை, தென்காசி மாவட்டங்களுக்கு சிவப்பு எச்சரிக்கை

தூத்துக்குடி, நெல்லை, தென்காசி ஆகிய 3 மாவட்டங்களில் அதி கனமழை பெய்ய வாய்ப்புள்ளதால் சிவப்பு எச்சரிக்கை விடுக்கப்பட்டுள்ளது.

தென் மாவட்டங்கள் முழுவதும் கனமழை பெய்து வரும் நிலையில் 3 மாவட்டங்களில் சிவப்பு எச்சரிக்கை விடுக்கப்பட்டுள்ளது. தென்காசி, நெல்லை மாவட்டங்களில் 3 மணி நேரத்திற்கும் மேலாக கனமழை பெய்து வருகிறது. மேலும் தூத்துக்குடி மாவட்டம் திருச்செந்தூரில் இன்று காலை 6 மணிமுதல் மாலை 4 மணிவரை 22 செ.மீ மழை பதிவாகியுள்ளதாக வானிலை மையம் தகவல் அளித்துள்ளது. மேலும் தூத்துக்குடியில் இன்று காலை 8.30 மணிமுதல் மாலை 4.30 மணிவரை 14 செ.மீ மழை பெய்துள்ளது.

இதனால் தூத்துக்குடி, நெல்லை, தென்காசி ஆகிய 3 மாவட்டங்களுக்கு சிவப்பு எச்சரிக்கை விடுக்கப்பட்டுள்ளது. அதனை தொடர்ந்து இன்றும், நாளையும் மிக கனமழை பெய்ய வாய்ப்புள்ளது என வானிலை ஆய்வு மையம் தெரிவித்துள்ளது.