தஞ்சாவூர்: பட்டுக்கோட்டை கல்வி மாவட்ட உடற்திறன் கழகம் சார்பில், பணி ஓய்வு பெற்ற உடற்கல்வி இயக்குநர் மற்றும் உடற்கல்வி ஆசிரியர்களுக்கு கணையாழி சூட்டும் விழா பட்டுக்கோட்டை அரசு ஆண்கள் மேல்நிலைப் பள்ளியில் நடைபெற்றது. நிகழ்ச்சிக்கு, பட்டுக்கோட்டை கல்வி மாவட்ட அலுவலர் ஜெயபால் தலைமை வகித்தார். ஓய்வு பெற்ற உடற்கல்வி இயக்குநர் வீரியங்கோட்டை பி.சிவஞானம், உடற்கல்வி ஆசிரியர்கள் தென்னமநாடு குலோத்துங்கன், மூத்தாக்குறிச்சி பெஞ்சமின் கார்மெல், ஆர்சுத்திப்பட்டு அழகேசன், ராஜாமடம் மாரிமுத்து ஆகியோருக்கு தலா 2 கிராம் தங்க மோதிரம் அணிவித்து கௌரவிக்கப்பட்டது.
நிகழ்ச்சியில் உடற்கல்வி ஆசிரியர் சங்கத் தலைவர் பேராவூரணி எம்.சோலை, செயலாளர் பட்டுக்கோட்டை வேலுச்சாமி, பொருளாளர் ஒரத்தநாடு விஜயகுமார் மற்றும் உடற்கல்வி இயக்குநர்கள், உடற்கல்வி ஆசிரியர்கள், ஓய்வு பெற்ற உடற்கல்வி இயக்குநர் மற்றும் உடற்கல்வி ஆசிரியர்கள், மாணவர்கள் கலந்து கொண்டனர்.