தஞ்சாவூர், மே 30-அரசுப் பள்ளிகளைத் தனியாருக்குத் தத்துக் கொடுக்கும் நடவடிக்கையைக் கைவிட வேண்டும். அரசுப் பள்ளிகளின் தரத்தை மேம்படுத்த வேண்டும். ஆதிதிராவிடர், பிற்படுத்தப்பட்ட மாணவர்களுக்கு வழங்க வேண்டிய கல்வி உதவித் தொகை ரூ. 14,000 கோடியை உடனடியாக வழங்க வேண்டும் உள்ளிட்ட கோரிக்கைகளை வலியுறுத்தி 1,500கி.மீ.தொலைவுக்கு சைக்கிள் பிரச்சாரம் மேற்கொள்கின்றனர் இந்திய மாணவர் சங்கத்தினர். கடலூரில் மே 25-ம் தேதி புறப்பட்டஇப்பயணம் பல்வேறு மாவட்டங்களுக்குச் சென்று விட்டு கும்பகோணத்துக்கு புதன்கிழமை காலை வந்தது.பின்னர் பாபநாசம், அய்யம்பேட்டை வழியாக தஞ்சாவூர் பள்ளியக்ரஹாரத்துக்கு மாலை வந்தடைந்தது. இதைத்தொடர்ந்து கரந்தை வழியாகப்பழைய பேருந்து நிலையத்துக்கு வந் தது. பின்னர் பனகல் கட்டடம் முன் நடைபெற்ற பொதுக் கூட்டத்துக்குச் சங்க மாவட்டச் செயலர் ஜி.அரவிந்தசாமி தலைமை வகித்தார். மாநில துணைச் செயலாளர் ஆறு.பிரகாஷ், மாநில துணைத்தலைவர் எம்.கண்ணன், பி.மாரியப்பன், முன்னாள் மாவட்ட செயலாளர் கார்த்தி, நிர்வாகிகள் அருண் குமார், சேகர் கலந்து கொண்டனர். பிரச்சாரக் குழுவினருக்கு மார்க் சிஸ்ட் கம்யூனிஸ்ட் கட்சி மாவட்டச் செயலாளர் கோ.நீலமேகம், மாவட்டச் செயற்குழு உறுப்பினர்கள் ஆர்.மனோகரன், சின்னை பாண்டியன், என்.சுரேஷ்குமார், எம்.மாலதி, விதொச மாவட்டச் செயலாளர் கே.பக்கிரிசாமி, சிஐடியு மாவட்டச் செயலாளர் சி.ஜெயபால், விவசாய சங்க மாவட்ட செயலாளர் என்.வி.கண்ணன், மாவட்டத் தலைவர் பி.செந்தில்குமார், வாலிபர் சங்க மாவட்டச் செயலாளர் கே.அருளரசன், மாவட்ட பொருளாளர் ராமர், சிபிஎம் மாநகரச்செயலாளர் என்.குருசாமி உள்ளிட்டோர் வரவேற்றனர். இதே போல் வசந்தம் லயன்ஸ் சங்கம் சார்பில் சாசனத்தலைவர் ஹெச்.அப்துல் நசீர், தலைவர் ஏ.ஜெயபால், செயலாளர் கே.பால்ராஜ் மற்றும் டி.ஆன்டனி தங்கதுரை ஆகியோரும், உதயநிதி ஸ்டாலின் ரசிகர் மன்ற தலைவர் வினோத் தலைமையில் நிர்வாகிகள்வரவேற்றனர்.
பெரம்பலூர்
இதைதொடர்ந்து புதன் இரவு பெரம்பலூர் வந்தது இப்பிரச்சார பயணக்குழு. அவர்கள், வியாழன் காலைபேரணியை துவங்கினர். மாணவர் சங்கமாவட்ட செயலாளர் அருணன் தலைமை வகித்தார். சிஐடியு மாவட்டச் செயலாளர் ஆர்.அழகர்சாமி பிரச்சாரத்தை துவக்கி வைத்தார். மார்க்சிஸ்ட் கம்யூனிஸ்ட் கட்சி மாவட்டச் செயலாளர் ஆர்.மணிவேல், மாவட்டச் செயற்குழு என்.செல்லதுரை, ஒன்றியச் செயலாளர் எஸ்.பி.டி.ராஜாங்கம், மின் ஊழியர் மத்திய அமைப்பு மாநில துணைச் செயலாளர் எஸ்.அகஸ்டின், விதொ.ச மாவட்டச் செயலாளர் பி.ரமேஷ், கட்டுமானத் தொழிலாளர் சங்க ஈஸ்வரன், மாதர் சங்க எ.கலையரசி, மாணவர் சங்க மாவட்ட நிர்வாகிகள் சரவணன், அன்பரசன் உள்பட ஏராளமானோர் கலந்து கொண்டனர்.
கரூர்
இதையடுத்து கரூர் வந்தது பிரச்சாரபயணக்குழு. பின்னர் தபால் தந்தி அலுவலகம் முன்பு பேரணி துவக்க விழாநடைபெற்றது. விழாவிற்கு சிஐடியுசங்க மாவட்ட தலைவர் ஜி.ஜீவானந் தம் தலைமை வகித்து துவக்கி வைத்தார். விவசாய சங்க முன்னாள் மாவட்டசெயலாளர் கே.கந்தசாமி, மாணவர் சங்க முன்னாள் மாவட்ட செயலாளர் எம்.ஜோதிபாசு, பயணக்குழு தலைவர் க.நிருபன் சக்கரவர்த்தி, எல்ஐசி ஊழியர் சங்க தஞ்சை கோட்ட துணை தலைவர் வி.கணேசன், அரசு ஊழியர் சங்க மாவட்ட செயலாளர் கே.சக்திவேல், அரசு ஊழியர் சங்க மகளிர்அமைப்பாளர் செல்வராணி, ஆரம்பப்பள்ளி ஆசிரியர் கூட்டணி மாவட்ட செயலாளர் ஜெ.ஜெயராஜ், அங்கன்வாடி ஊழியர் சங்க மாவட்ட செயலாளர் சாந்தி, அறிவியல் இயக்கம் மாவட்ட செயலாளர் ஜான்பாட்ஷா உள்ளிட்ட பலர் கலந்து கொண்டனர்.