செங்கல்பட்டு, அக்.31- பெண் குழந்தைகளின் கல்வி நிதிக்காக மஹிந்திரா வேர்ல்டு சிட்டியின் சார்பில் டிசம்பர் 8 ஆம் தேதி மாரத்தான் போட்டி நடத்த திட்டமிட்டுள்ளனர். ஒவ்வொரு ஆண்டும் நடத்தப்படும் இந்த மாரத்தான் போட்டி நான் ஹிகாலி என்ற பெண்குழந்தைகளுக்கான கல்வி ஆதரவுத் திட்டதுடன் இணைந்து நடத்தப்படுகிறது. இதற்கு ரெனால்ட் நிசான் டெக்னாலஜி மற்றும் பிசினஸ் சென்டர் இந்தியா ஆதரவு அளித்துள்ளது. இந்த மாரத்தான் மூலம் கிடைக்கும் வருமானத்தின் ஒரு பகுதி நான்கிஹாலி என்ற திட்டத்துக்கு நன்கொடையாக வழங்கப்படும். இந்த திட்டம் இந்தியாவில் கல்விவாய்ப்பற்ற பெண் குழந்தைகளுக்கு ஆரம்பக் கல்வி அளிக்கும் திட்டமாகும். இந்நிலையில் இந்த ஆண்டு நடைபெற உள்ள மாரத்தான் போட்டிக்கான நடைமுறைகளை பிரபல நடிகை ஆண்ட்ரியா மற்றும் ரேசிங் சாம்பியனான அலிஷாஅப்துல்லா ஆகியோர் மஹிந்திரா வேர்ல்டு சிட்டியில் வியாழனன்று (அக்.31) துவக்கிவைத்தனர். மேலும் மாரத்தானுக்கான சுவரொட்டிகள், பதக்கங்கள், டிஷர்ட்டுகள் உள்ளிட்டவற்றையும் அவர்கள் அறிமுகப்படுத்தினர். இம்மாரத்தான் போட்டியில் பங்கேற்க பதிவுசெய்ய: www.mwcmarathon.com பயன் படுத்திக் கொள்ளலாம் என போட்டியின் ஒருங்கிணைப்பாளர்கள் தெரிவித்துள்ளனர்.
