உலகம் முழுவதும் கொரோனா பெருந்தொற்று நாளுக்கு நாள் அதிகரித்து வருகிறது. கொரோனா தடுப்பு நடவடிக்கைகளில் ஒன்றாக முகக்கவசம் அணிவது உலகின் பல நாடுகளில் கட்டாயமாக்கப்பட்டுள்ளது. இந்நிலையில் இரண்டு வயதிற்கு உட்பட்ட குழந்தைகள் முக கவசம் அணியக்கூடாது என்று ஜப்பான் குழந்தைகள் சங்கம் எச்சரித்துள்ளது.
முக கவசம் குழந்தைகளின் சுவாசத்தை கடினமாக்குகின்றன. குழந்தைகளுக்கு குறுகிய காற்றுப் பாதைகள் உள்ளன. இதனால் இதயங்களின் செயல்பாட்டு சுமை அதிகரிக்கிறது. மேலும் முக கவசம் வெப்ப பக்கவாதம் ஏற்படும் அபாயத்தையும் அதிகரிக்கின்றன. 2 வயதுக்குட்பட்ட குழந்தைகளுக்கு முகமூடிகள் பயன்படுத்துவதை நிறுத்துவோம்" குழந்தைகளிடையே மிகக் குறைவான கொரோனா வைரஸ் தொற்றுகளே இருந்தன. இதில் பெரும்பாலான குழந்தைகள் குடும்ப உறுப்பினர்களால் பாதிக்கப்பட்டுள்ளனர். பள்ளிகளிலோ அல்லது பகல்நேர பராமரிப்பு பகுதி களிலோ அதிக தளவில் கொரோனா பாதிப்பு ஏதும் ஏற்படவில்லை என குழந்தைகள் சங்கம் தெரிவித்துள்ளது.
