தொழிலாளர் நலனா? கார்ப்பரேட் சுரண்டலா?

மோடி அரசு சமீபத்தில் அறிவித்துள்ள பிரதம ரின் இண்டர்ன்ஷிப் திட்டம் வேலைவாய்ப்பு உரு வாக்கம் என்ற பெயரில் இளம் தொழிலாளர்க ளின் உழைப்பைச் சுரண்டும் மற்றொரு கார்ப்ப ரேட் ஆதரவு திட்டமாகவே அமைந்துள்ளது. இந்த திட்டத்தின் அடிப்படை நோக்கமே தவறானது.

ஐந்து ஆண்டுகளில் 1 கோடி இளைஞர்க ளுக்கு பன்னிரெண்டு மாத பயிற்சி வழங்குவதாக கூறும் இத்திட்டம், உண்மையில் குறைந்த ஊதி யத்தில் தகுதியான தொழிலாளர்களை கார்ப்ப ரேட் நிறுவனங்களுக்கு வழங்கும் அரசின் முயற்சியே ஆகும். மாதம் 6,000 ரூபாய் என்ற மிகக்  குறைந்த உதவித்தொகை, நகர்ப்புற வாழ்க்கைச் செலவிற்கே போதாத நிலையில், இளைஞர்க ளின் உழைப்பை மலிவாக பெறும் நோக்கத் தையே வெளிப்படுத்துகிறது.

பயிற்சி முடிந்த பின் நிரந்தர வேலைவாய்ப்பு என்பது கேள்விக்குறியாகவே உள்ளது. கார்ப்ப ரேட் நிறுவனங்கள் தங்களது லாப நோக்கத்திற் காக பன்னிரெண்டு மாதங்கள் குறைந்த ஊதி யத்தில் பணியாளர்களை பயன்படுத்திக் கொண்டு, பின்னர் புதிய பயிற்சியாளர்களைக் கொண்டு வரும் சுழற்சியை தொடரும் வாய்ப்பே அதிகம். இது தற்காலிகத் தொழிலாளர்களை உருவாக்கும் திட்டமாகவே மாறும்.

அரசின் பங்களிப்பையும் கவனிக்க வேண்டும். ஒரு பயிற்சியாளருக்கு அரசு 4,500 ரூபாய் வழங்கு கையில், பயன்பெறும் நிறுவனம் வெறும் 1,500 ரூபாய் மட்டுமே வழங்குகிறது. பொதுத்துறை வேலைவாய்ப்புகளை உருவாக்குவதற்கு பதிலாக, தனியார் துறையின் லாபத்திற்காக பொதுமக்களின் வரிப்பணத்தை செலவிடும் கொள்கையே இது.

கல்வித்துறையில் இத்திட்டத்தின் தாக்கம் மிகவும் ஆபத்தானது. “திறன் மேம்பாடு” என்ற பெய ரில் கல்வி முறையையே கார்ப்பரேட் தேவைக ளுக்கு ஏற்ப மாற்றும் முயற்சி நடைபெறுகிறது. மாணவர்களை சிந்திக்கும் மனிதர்களாக உரு வாக்குவதற்கு பதிலாக, தொழில்நுட்ப கூலிகளாக மாற்றும் நோக்கமே இதில் தெரிகிறது.

மிக முக்கியமாக, இத்திட்டம் தொழிலாளர் உரி மைகளை பாதிக்கும் வகையில் அமைந்துள்ளது. தொழிற்சங்க உரிமைகள் இல்லாத, சமூக பாது காப்பு இல்லாத, உழைப்பு உரிமைகள் மறுக்கப் பட்ட ஒரு புதிய தொழிலாளர் வர்க்கத்தை உரு வாக்கும் முயற்சியே இது.

இந்த பிரச்சனைகளுக்கான தீர்வு என்ன? அரசே நேரடியாக நிரந்தர வேலைவாய்ப்புகளை உருவாக்க வேண்டும். குறைந்தபட்ச ஊதியம் உயர்த்தப்பட்டு, தொழிலாளர் நலச் சட்டங்கள் பலப்படுத்தப்பட வேண்டும். பொதுத்துறை நிறு வனங்கள் வலுப்படுத்தப்பட வேண்டும். கல்வி யின் வணிகமயமாக்கல் தடுக்கப்பட்டு, அறி வார்ந்த சமுதாயத்தை உருவாக்கும் கல்விக் கொள்கை உருவாக்கப்பட வேண்டும்.

ஆனால் இத்திட்டம் வேலைவாய்ப்பை உரு வாக்கும் திட்டம் அல்ல - இது கார்ப்பரேட் லாபத் திற்காக இளைஞர்களின் உழைப்பைச் சுரண்டும் திட்டமே. தொழிலாளர் நலன் காக்கப்பட வேண்டு மெனில், இத்தகைய மோசடித் திட்டங்களை கைவிட்டு, உண்மையான வேலைவாய்ப்பு உரு வாக்கும் திட்டங்களை அரசு கொண்டு வர வேண்டும்.