நோவக் ஜோகோவிச் உலக தொழில்முறை ஆடவர் ஒற்றையர் பிரிவு டென்னிஸ் விளையாட்டு வீரர்களுக்கான தரவரிசையில் மீண்டும் முதலிடம் பிடித்துள்ளார்.
ஜோகோவிச், ரோஜர் பெடரர் மற்றும் ரஃபேல் நடாலை பின்னுக்குத் தள்ளி முதல் முறையாகக் கடந்த மாதம் ரஷிய வீரர் மெத்வதேவ் முதலிடத்திற்கு முன்னேறினார். இந்நிலையில் தற்போது நடைபெற்று முடிந்த இந்தியன் வெல்ஸ் தொடரில் மெத்வதேவ் எதிர்கொண்ட வீழ்ச்சி அவரை முதலிடத்திலிருந்து வெளியேற்றியது. அதன் காரணமாக விளையாடாமலே புள்ளிகளில் அடிப்படையில் ஜோகோவிச் முதலிடம் பிடித்துள்ளார்.
தற்போது ஜோகோவிச் 8465 புள்ளிகளுடன் முதலிடத்தில் உள்ளார். மெத்வதேவ் 8445 புள்ளிகளுடன் இரண்டாவது இடத்திலும், நடால் மூன்றாவது இடத்திலும் உள்ளார். நடப்பு ஆண்டில் ஜோகோவிச் இதுவரை ஒரே ஒரு டென்னிஸ் தொடரில் மட்டுமே விளையாடியுள்ளார். கொரோனா தடுப்பூசி செலுத்திக் கொள்ளாத காரணத்தால் அவரால் முக்கியமான டென்னிஸ் தொடர்களில் விளையாட முடியவில்லை என்பது குறிப்பிடத்தக்கது.