ஒருநாள் மற்றும் டி20 கிரிக்கெட் போட்டிகளின் தலை சிறந்த கேப்டன் மகேந்திர சிங் தோனியே என இந்திய கிரிக்கெட் அணியின் தலைமை பயிற்சியாளர் ரவி சாஸ்திரி கூறியுள்ளார்.
விளையாட்டு தொடர்பான இணையதள பக்கத்திற்குப் பேட்டியளித்த ரவி சாஸ்திரி, தோனி, கோலி இருவரில் யார் சிறந்த கேப்டன் என்பது குறித்து பேசியுள்ளார். அதில் அவர், என்னைப் பொறுத்தவரைச் சிறந்த ஒருநாள், டி20 கேப்டன் என்றால் அது மகேந்திரசிங் தோனிதான். அவர் எந்த கோப்பையைத்தான் வென்று கொடுக்கவில்லை? ஐபிஎல், சாம்பியன்ஸ் டிராபி, ஐசிசி தொடர்கள், டி20 உலகக் கோப்பைகள் என அனைத்தையும் வென்றுகொடுத்த கேப்டனாக இருக்கிறார். ஒருநாள், டி20 கிரிக்கெட்டில் தோனியின் கேப்டன்சிக்கு அருகில் கூட எந்த கேப்டனையும் வைத்துப் பார்க்க முடியாது என்று கூறியுள்ளார்.