தஞ்சாவூர், செப்.18 - தஞ்சாவூர் மாவட்டம், பேராவூரணி ஸ்டார் லயன்ஸ் சங்கம், தஞ்சாவூர் மீனாட்சி மருத்துவமனை, பேராவூரணி ஸ்ரீ விநாயகா ஜுவல்லர்ஸ், நாடியம் ஊராட்சி மன்றம் ஆகியவை இணைந்து, இலவச பொது மருத்துவ முகாமை நாடியம் ஊராட்சி மன்ற அலுவலகத்தில் வியா ழக்கிழமை நடத்தின. இந்த நிகழ்ச்சிக்கு நாடியம் ஊராட்சி மன்றத் தலைவர் பிரேம்செல்வன் தலைமை வகித்தார். பேராவூரணி ஸ்ரீ விநாயகா ஜுவல்லர்ஸ் உரிமையாளர் இ.வீ.சந்திரமோ கன், பேராவூரணி ஸ்டார் லயன்ஸ் சங்கத் தலைவர் பன்னீர்செல்வம், செயலாளர் ஆதித்யன், பொருளாளர் சாமியப்பன், நிர்வாக அலுவலர் இராமநாதன், ஊராட்சி செயலாளர் நீலகண்டன், ஊராட்சி மன்ற உறுப்பினர்கள் கலந்து கொண்டனர். இந்த முகாமில் உடல் எடை, ரத்த அழுத்தம், ரத்தத்தில் சர்க்கரை அளவு ,ஈ,சி,ஜி ஆகிய பரிசோதனைகள் செய்யப் பட்டது. 250-க்கும் மேற்பட்ட பொதுமக்கள் மருத்துவ முகாமில் கலந்து கொண்டனர்.
