செங்கொடியின் பாரம்பரியம் செங்கொடி இயக்கத்தின் வரலாற்றில் நீண்ட நெடிய பாரம்பரியம் கொண்டது வீரபாண்டி கிராமம். ஒன்றுபட்ட தென்னாடு மாவட்டமாக இருந்தபோது, கடலூர் மற்றும் விழுப்புரம் பகுதியில் கண்டாச்சிபுரம் வட்டம் வீரபாண்டியில் மட்டுமே இரண்டு கிளைகள் இருந்தன. 65 ஆண்டுகளைக் கடந்த நிலையில், இப்பகுதி கடலூர், விழுப்புரம், கள்ளக்குறிச்சி என மூன்று மாவட்டங்களாகப் பிரிந்துள்ளது. மூன்று மாவட்டங்களிலும் மார்க்சிஸ்ட் கம்யூனிஸ்ட் கட்சி வலிமை மிக்க இயக்கமாகத் திகழ்கிறது. நேர்மையான தலைமைத்துவம் வீரபாண்டி ஊராட்சி மன்றத்தின் தலைவராக 2011 முதல் 2016 வரை திறம்பட பணியாற்றியவர் தோழர் உமா மகேஸ்வரி வேல்மாறன். சுமார் 10,000 மக்கள் தொகையைக் கொண்ட இவ்வூராட்சி மன்றம் 12 வார்டுகளைக் கொண்டது. மாவட்டத்தின் மிகப்பெரிய ஊராட்சிகளில் ஒன்றாக விளங்குகிறது. 2011 ஆம் ஆண்டு நடைபெற்ற தேர்தலில் கம்யூனிஸ்ட் கட்சியின் சார்பில் போட்டியிட்ட உமா மகேஸ்வரி பெரும் வாக்கு வித்தியாசத்தில் வெற்றி பெற்றார். அனைத்திந்திய ஜனநாயக மாதர் சங்கத்தின் மாவட்டச் செயலாளராகவும், மார்க்சிஸ்ட் கம்யூனிஸ்ட் கட்சியின் மாவட்டக் குழு உறுப்பினராகவும் பணியாற்றி வருகிறார்.
மக்கள் நலத் திட்டங்கள்
உமா மகேஸ்வரியின் தலைமையில் பல குறிப்பிடத்தக்க திட்டங்கள் நிறைவேற்றப்பட்டன: 1. அனைத்து தெருக்களிலும் சிமெண்ட் மற்றும் தார்ச்சாலைகள் அமைப்பு 2. தெருவிளக்குகள் பொருத்துதல் 3. விவசாயிகளுக்கு உலர் தளம் அமைப்பு 4. கைப்பம்புகள் மற்றும் மினி நீர்த்தேக்கத் தொட்டிகள் நிறுவுதல் 5. மேல்நிலைப் பள்ளி மாணவர்களுக்கு ஆய்வகம் உள்ளிட்ட நான்கு புதிய கட்டிடங்கள் (ரூ.1 கோடி மதிப்பீட்டில்) 6. பொது நூலகம் அமைப்பு குடிநீர்த் திட்டம் மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் டி.கே. ரங்கராஜன், வீரபாண்டி கிராமத்தை தத்தெடுத்து, தொகுதி மேம்பாட்டு நிதியிலிருந்து முக்கிய திட்டங்களை செயல்படுத்தினார். - தென்பெண்ணை ஆற்றிலிருந்து 15 கிலோமீட்டர் தூரத்திற்கு புதிய குடிநீர்க் குழாய்கள் பதிப்பு- பல்வேறு இடங்களில் மேல்நிலை நீர்த்தேக்கத் தொட்டிகள் அமைப்பு - அனைத்து தெருக்களிலும் குடிநீர் விநியோக வசதி கழிவுநீர் மேலாண்மை ஊராட்சி முழுவதும் கழிவுநீர் முறையாக வெளியேற ‘எல்’ வடிவில் கால்வாய் அமைப்பு செய்யப்பட்டது. இது விழுப்புரம் மாவட்டத்திற்கே முன்மாதிரியாக அமைந்தது.
மாதர் சங்கத்தின் போராட்டங்கள்
விழுப்புரம் மாவட்டத்தில் மாதர் சங்கம் முன்னெடுத்த முக்கியப் போராட்டங்கள்: 1. “வேலை கொடு! வீடு கொடு! வாழ விடு!” என்ற முழக்கத்துடன் சிறப்பு மாநாடு 2. அனைவருக்கும் குடும்ப அட்டை வழங்கக் கோரி முற்றுகைப் போராட்டம் 3. நூறு நாள் வேலை திட்டத்தில் முறையான வேலை மற்றும் ஊதியம் வழங்கக் கோரிக்கை 4. வீட்டுமனைப் பட்டா வழங்கக் கோரி போராட்டம் நுண்கடன் பிரச்சனை நுண்கடன் நிறுவனங்களின் கொடுமைகளிலிருந்து ஏழைப் பெண்களைப் பாதுகாக்க: - கடன் வழங்கும் முறையில் வெளிப்படைத்தன்மை - அதிக வட்டி மற்றும் கட்டாயப்படுத்தல் ஆகியவற்றைத் தடுத்தல் - பாதிக்கப்பட்ட பெண்களுக்கு சட்ட உதவி பள்ளி மாணவிகள் பாதுகாப்பு - போதிய கழிப்பறை வசதிகள் கோரி போராட்டம் - பாலியல் துன்புறுத்தல்களுக்கு எதிராக குரல் எழுப்புதல் - குற்றவாளிகளை சட்டத்தின் முன் நிறுத்துதல் வலுவான அடித்தளமாக... இவ்வாறு வீரபாண்டி ஊராட்சியின் வெற்றிக் கதை, மார்க்சிஸ்ட் கம்யூனிஸ்ட் கட்சியின் மக்கள் நல நோக்கத்தையும், நேர்மையான நிர்வாகத்தையும் எடுத்துக்காட்டுகிறது. இந்த வெற்றிகரமான பயணம், வரவிருக்கும் கட்சியின் 24வது மாநில மாநாட்டிற்கு வலுவான அடித்தளமாக அமைகிறது.
விழுப்புரத்தில் களமிறங்கிய கலைக்குழுக்கள்
மார்க்சிஸ்ட் கம்யூனிஸ்ட் கட்சியின் 24-வது மாநில மாநாடு ஜனவரி 3,4,5 ஆகிய தேதிகளில் விழுப்புரத்தில் நடைபெறுவதை முன்னிட்டு மாவட்ட முழுவதும் 100 மையங்களில் கலைக் குழுக்கள் மூலம் பிரச்சாரம் நடைபெறுகிறது. இதன் தொடக்கமாக கண்டாச்சிபுரத்தில் வெள்ளிக்கிழமை (டிச.20) கல்லை குறிஞ்சி கலைக் குழுவினர் புதுவை தவில் விநாயகம் தலைமை யில் மா.மோகன், கே மணிமேகலை, ஜி.சந்துரு, எஸ்.’பிரவீன்குமார் ஆகியோர் பிரச்சாரத்தை துவக்கினர். தாலுகா முழுவதும் 15- மையங்களில் பிரச்சாரம் மேற்கொண்டனர். வட்ட செயலாளர் எஸ்.கணபதி தலைமையில் தெருமுனை பிரச்சாரக்கூட்டம் நடைபெற்றது. மாவட்ட செயற்குழு எஸ்.வேல்மாறன், மாவட்டக் குழு உறுப்பினர் ஆர்.தாண்டவராயன் வட்டக்குழு உறுப்பினர்கள் ஏ.ஆர்.கே தமிழ்ச்செல்வன், எம்.பழனி, டேவிட் பி.முருகன் ஏ.வி.கண்ணன், டீ குப்பன், எம்.ராமலிங்கம், கிளைச் செயலாளர்கள் எம்.ஏழுமலை .எம்.பாபு எம்.ஸ்ரீதர் ஜி.ஏழுமலை, கே.ஏழு மலை முருகானந்தம், ராதாகிருஷ்ணன் உள்ளிட் டோர் கலந்துகொண்டனர். மற்றொரு கலைக்குழுவான புதுச்சேரி சப்தர் ஹஷ்மி கலைக்குழுவினர் அன்புமணி தலைமையில் மேல்மலையனுர் ஒன்றியம் வளத்தில் கிராமத்தில் தங்களது பிரச்சார பயணத்தை தொடங்கினர்.