கோவை, நவ.4- பக்ரைனில் நடைபெறும் சர்வதேச விமான கண்காட்சியில் பங்கேற்பதற்காக சூலூர் விமானப்படைத்தளத்தில் இருந்து சாரங் போர் ஹெலிகாப்டர்களுடன் விமானப்படை வீரர்கள் புறப்பட்டு சென்றனர். பக்ரைன் நாட்டின் சகீர் விமானப்படைத்தளத்தில் நவ.13 ஆம் தேதியன்று முதல் சர்வதேச விமான கண்காட்சி நடை பெற உள்ளது. இதில், பல்வேறு நாடுகளைச் சேர்ந்த விமானப் படையின் விமானங்கள் பங்கேற்க உள்ளன. இந்திய விமானப்படையில் சார்பில் சாரங் போர் ஹெலிகாப்டர்கள் இந்த கண்காட்சியில் பங்கேற்கின்றன. இதற்காக சி-17 என்ற விமானம் விமான மூலம் சாரங் ஹெலிகாப்டர்கள் மற்றும் சாகச உபகரணங்களுடன் விமானப்படை வீரர்கள் ஞாயி றன்று இரவு புறப்பட்டு சென்றனர். அங்கு சென்று சாரங் ஹெலி காப்டரில் ஒத்திகையில் ஈடுபடும் விமானப்படைக் குழு தொடர்ந்து விமானப்படை கண்காட்சியில் சாகசத்தில் ஈடுபட உள்ளனர். சூலூர் விமானப்படைத்தளத்தில் இருந்து சாரங் ஹெலிகாப்டர்களுடன் விமானப்படை குழு சி-17 விமானத் தில் புறப்பட தயாராகும் வீடியோ மற்றும் புகைப்படங்களை இந்திய விமான படை தனது அதிகாரப்பூர்வ எக்ஸ் பக்கத் தில் வெளியிட்டுள்ளது.
