கோவை, நவ.8- நவம்பர் புரட்சிதினத்தையொட்டி மார்க்சிஸ்ட் கம்யூனிஸ்ட் கட்சி சார்பில் சிறப்பு பேரவை கூட்டங்கள் கோவையில் வியாழனன்று நடைபெற்றது. கோவை துடியலூர் பகுதியில் நடை பெற்ற கருத்தரங்கிற்கு பெரியநாயக்கன் பாளையம் ஒன்றிய செயலாளர் நா.பால மூர்த்தி தலைமை தாங்கினார். எஸ்.எஸ்.குளம் ஒன்றிய செயலாளர் ஆர்.கோபால் வரவேற்புரையாற்றினார். இதில் கட்சியின் அரசியல் தலைமைக்குழு உறுப்பினர் ஜி.ராமகிருஷ்ணன் பங்கேற்று நவம்பர் புரட்சி தின எழுச்சி உரையாற்றினார். இந் நிகழ்ச்சியில் கட்சியின் மாவட்ட செய லாளர் வி.இராமமூர்த்தி, மாவட்ட செயற் குழு உறுப்பினர் எஸ்.கிருஷ்ணமூர்த்தி, வி.பெருமாள், கே.எஸ்.கனகராஜ் உள் ளிட்ட ஏராளமானோர் பங்கேற்றனர். முன்னதாக, இந்நிகழ்வில் சிபிஎம் பெரியநாயக்கன்பாளையம் ஒன்றியக்குழு சார்பில் தீக்கதிர் நாளிதழுக்கான 15 ஆண்டு சந்தா, 11 ஆறுமாத சந்தாவிற்கான தொகை ரூ.37 ஆயிரத்து 400ஐ ஜி.ராம கிருஷ்ணனிடம் வழங்கப்பட்டது. இதேபோல், கோவை திருச்சி சாலை எஸ்.என்.அரங்கத்தில் நடைபெற்ற கருத் தரங்கிற்கு மார்க்சிஸ்ட் கட்சியின் மாநிலக்குழு உறுப்பினர் சி.பத்மநாபன் தலைமை தாங்கினார். இதில் நவம்பர் புரட்சி தினம் குறித்து எழுத்தாளர் என்.ராமகிருஷ்ணன் சிறப்புரையாற்றினார். இந்நிகழ்ச்சியில் கட்சியின் மாவட்ட செயற்குழு உறுப்பினர்கள் எஸ்.கருப் பையா, கே.மனோகரன், அஜய்குமார் உள் ளிட்ட ஏராளமானோர் பங்கேற்றனர்.
