வேலூர். மே 16 - வேலூர் விஐடி பல்கலைக்கழக நிறுவனர்  மற்றும் வேந்தர் டாக்டர்.  கோ.விசுவநாதனுக்கு அமெரிக்காவின் நியூயார்க்  மாநில பல்கலைக்கழகம்  (பிங்ஹாம்டன் பல்கலைக்கழ கம்) கவுரவ  டாக்டர் பட்டம் வழங்கியது. 

“சர்வதேச அளவில் உயர்கல்வியின்  வளர்ச்சிக்கு” ஆற்றிய பங்களிப்பை கவுரவிக்கும்  வகையில் அமெரிக்கா வில் உள்ள நியூயார்க் மாநில பல்கலைக்கழகத்தின், (பிங்ஹாம்டன் பல்கலைக்கழகத்தின்) வேந்தர் ஹார்வி  ஸ்டிங்கர்  விஐடிவேந்தர் கோ.விசுவநாதனுக்கு டாக்டர் பட்டம் வழங்கினார். பின்னர் அவர் பேசுகையில், இந்தியாவில்  உயர் கல்விக்கான பாதையை உலகளவில்  விரிவுபடுத்தலிலும் மற்றும் உலகளவில்  தலை சிறந்த கல்வி நிறுவனங்களுடன்  இணைந்து பணியாற்றுவதிலும்  முன்னோடியாக இருந்து வருகிறார் எனக் கூறினார்.

இதில் விஐடி துணைத்தலைவர்கள்  சங்கர் விசுவநாதன்,  டாக்டர் சேகர்  விசுவநாதன்,  டாக்டர்.ஜி.வி.செல்வம், உதவி  துணைத்தலைவர் காதம்பரி ச.விசுவநாதன் மற்றும் விஐடி  சர்வதேச உறவுகள் துறை இயக்குநர்  ஸ்ரீநிவாசன் ஆகியோர்  கலந்துகொண்டனர்.

முன்னதாக கடந்த 2009 ஆம் ஆண்டு  அமெரிக்காவில் உள்ள வெஸ்ட்  வெர்ஜினியா பல்கலைக்கழகம் விஸ்வநாத னுக்கு கவுரவ டாக்டர் பட்டம் வழங்கியது  குறிப்பிடத்தக்கது.