நெல்லை, அனந்தபுரி ரயில்கள் புறப்படும் நேரம் மாற்றம்

சென்னையில், ஜூன் 29- நெல்லை, அனந்தபுரி ரயில்கள் புறப்படும் நேரம் ஜூலை 1 ஆம் தேதி முதல் மாற்றப்படுவதாக தெற்கு ரெயில்வே அறிவித்துள்ளது. சென்னையிலிருந்து வெளியூர் செல்லும் பல ரயில்களின் புறப்படும் நேரம் ஜூலை 1 ஆம் தேதி முதல் மாற்றப்படுகிறது. அதன்படி சென்னை எழும்பூர்-குருவாயூர் (வண்டி எண்16127) தினசரி காலை 8.15 மணிக்கு புறப்படும் குருவாயூர் எக்ஸ்பிரஸ் ரயில் 8.25 மணிக்கு புறப்படும்.  இதைப்போல எழும்பூர்-கொல்லம் (16723) தினசரி இரவு 7.50 மணிக்கு புறப்படும் அனந்தபுரி எக்ஸ்பிரஸ் ரயில் 8.10 மணிக்கும், எழும்பூர்-நெல்லை (12631) தினசரி இரவு 8.10 மணிக்கு புறப்படும் நெல்லை எக்ஸ்பிரஸ் ரயில் 7.50 மணிக்கும் புறப்படும். மேலும் எழும்பூர்-தஞ்சாவூர் (16865) தினசரி இரவு 10.40 மணிக்கு புறப்படும் உழவன் எக்ஸ்பிரஸ் ரயில் 10.55 மணிக்கும், எழும்பூர்-சேலம் (22153) தினசரி இரவு 11 மணிக்கு புறப்படும் எக்ஸ்பிரஸ் ரயில் 10.45 மணிக்கும், செங்கல்பட்டு-கச்சிகுடா (17652) தினசரி மதியம் 3.30 மணிக்கு புறப்படும் எக்ஸ்பிரஸ் ரயில் 3.20 மணிக்கும் புறப்படும்.

சென்டிரல் ரயில் நிலையம்

இதைப்போல சென்னை எம்.ஜி.ஆர். சென்டிரல் ரயில் நிலையத் திலிருந்து வட மாநிலங்களுக்கு செல்லும் பல ரெயில்களின் புறப்படும் நேரமும் மாற்றப்பட்டு உள்ளன. இந்த தகவல்கள் அனைத்தும் தெற்கு ரயில்வே வெளியிட்டுள்ள அறிக்கையில் கூறப்பட்டுள்ளது.