வானத்தில் பறந்த சிட்டுக் குருவி
கீழே கண்டதொரு அதிசயக் காட்சி
நிதானமாய்ப் பார்த்து வியப்பில் ஆழ்ந்தது
மீன்கொத்தி ஒன்று லாவகமாய் குளத்தில்
தலைகீழாய் குளத்தில் பல்டி அடித்து
மீனைக் கவ்விப் பறந்தது சிறப்பாய்
தானும் அதுபோல் குளத்தில் மீனை
பிடிக்க விரும்பியது சிட்டுக் குருவி
வானுயரப் பறக்கும் சிட்டுக் குருவி
முரட்டு வேகத்தில் குதித்தது குளத்தில்
மூழ்க இருந்த சிட்டுக் குருவியின்
நிலையைக் கண்டன நட்புக் குருவிகள்
குருவிகள் ஒன்றாய்ச் சேர்ந்து குளத்தில்
ஆபத்தில் இருந்த சிட்டுக் குருவியை
குருவிகள் மீட்டுக் காத்தன நன்றாய்
அவரவர் வழிப்படி உழைப்பும் உணவும்
சரியாய் கிட்டும் போதில் விபரீதம்
தவிர்த்தலே நன்றென நல்வழி காட்டின.
பெரணமல்லூர் சேகரன்