கலைஞரின் அனைத்து நூல்களும் நாட்டுடமை!

சென்னை, ஆக. 22 - மறைந்த முன்னாள் முதல்வர் கலைஞரின் அனைத்து நூல்களையும், தமிழக அரசு சார்பில் நூலுரிமைத் தொகை ஏதுமின்றி நாட்டுடைமையாக்கி தமிழக முதல்வர் மு.க. ஸ்டாலின் வியாழ னன்று (ஆக.22) உத்தரவிட்டுள்ளார்.

இதுதொடர்பாக அரசு செய்திக் குறிப்பு ஒன்றை வெளியிட்டுள்ளது.

அதில், “அனார்கலி, உதய சூரியன், உன்னைத்தான் தம்பி, இளைஞன் குரல், ஒரே முத்தம், காகிதப்பூ, சாக்ரடிஸ், சாம்ராட் அசோகன், சிலப்பதிகாரம் – நாடகக் காப்பியம், சேரன் செங்குட்டு வன், திருவாளர் தேசியம் பிள்ளை, தூக்குமேடை, நச்சுக் கோப்பை, நான்மணிமாலை, நானே அறிவாளி, புனித ராஜ்ஜியம், மணிமகுடம், மகான் பெற்ற மகன் (அம்மையப்பன்), மந்திரி குமாரி உள்ளிட்ட பல்வேறு நாடகங் களை கலைஞர் எழுதியுள்ளார்.

வெள்ளிக்கிழமை, சுருளிமலை, வான்கோழி, புதையல், ஒரே ரத்தம், ஒரு  மரம் பூத்தது, அரும்பு, பெரிய இடத்துப்  பெண், சாரப்பள்ளம் சாமுண்டி, நடுத்தெரு நாராயணி ஆகிய புதினங் களையும்; ரோமாபுரிப் பாண்டியன், பொன்னர் – சங்கர் அண்ணன்மார் வரலாறு, பாயும் புலி பண்டாரக வன்னியன், தென்பாண்டிச் சிங்கம், தாய் –  காவியம் ஆகிய வரலாற்றுப் புதினங் களையும்; சங்கிலிச் சாமியார், கிழவன் கனவு, பிள்ளையோ பிள்ளை, தப்பி விட்டார்கள், தாய்மை, நாடும் நாடகமும், முடியாத தொடர்கதை, பதினாறு கதையினிலே, நளாயினி, பழக்கூடை, தேனலைகள், ஒருமரம் பூத்தது, மு.க.வின் சிறுகதைகள் உள்ளிட்ட சிறுகதைகளையும் எழுதியுள்ளார்.

கவிதையல்ல, முத்தாரம் (சிறை யில் எழுதிய கவி வசனங்கள் தொகுப்பு),  அண்ணா கவியரங்கம், Pearls (Trans lation), கவியரங்கில் கலைஞர், கலைஞரின் கவிதைகள், வாழ்வெனும் பாதையில், கலைஞரின் திரை இசைப் பாடல்கள், கலைஞரின் கவிதை மழை, காலப் பேழையும் கவிதைச் சாவியும் உள்ளிட்ட கவிதைத் தொகுப்பு களும் அவரது கவித்திறமையை வெளிப்படுத்துவன. 

கலைஞரின் குறளோவியம் மிகவும் புகழ்பெற்ற நூல்; தேனலைகள், சங்கத் தமிழ், திருக்குறள் கலைஞர் உரை,  தொல்காப்பியப் பூங்கா உள்ளிட்ட தமிழறி ஞர்கள் போற்றும் உரை நூல்களையும் கலைஞர் படைத்துள்ளார்.

உடன்பிறப்புகளுக்குக் கலைஞர் எழுதிய கடிதங்கள் தொகுக்கப்பட்டு, 54 தொகுதிகளாக வெளியிடப்பட்டுள்ளன. ‘நெஞ்சுக்கு நீதி’ என்னும் அவரது வாழ்க்கை வரலாற்று நூல் 6 தொகுதி களாக வெளிவந்துள்ளன. 1957 முதல் 2018-ம் ஆண்டுவரை கருணாநிதி சட்ட மன்றத்தில் ஆற்றிய உரைகள் 12 தொகுதி களாக வெளிவந்துள்ளன. 

இவ்வாறு ஒப்பாரும் மிக்காரும் இல்லாத தமிழினத் தலைவர் கருணா நிதியின் அனைத்து நூல்களும் நாட்டுடை மையாக்கம் செய்யப்பட்டுள்ளதால், தமிழகத்தில் மட்டுமின்றி உலகெங்கும் வாழும் தமிழர்கள் அவரின் செழுமை யான நூல்களை ஊன்றிப் படிக்க அரியதொரு வாய்ப்பாக அமையும்” என்று குறிப்பிடப்பட்டு உள்ளது.