இந்த 35 ஸ்மார்ட்போன்களில் வாட்ஸ்அப் பயன்படுத்த முடியாது!

இனி 35 பழைய ஸ்மார்ட்போன் மாடல்களில் வாட்ஸ்அப் செயலியை பயன்படுத்த முடியாது என்று கெனால்டெக் (CanalTech) நிறுவனம் அறிக்கை வெளியிட்டுள்ளது.

வாட்ஸ்அப் தனது சிஸ்டம் அமைப்புகளை (System Requirements) மாற்ற திட்டமிட்டு வருகிறது. இதனால் சில பழைய மாடல் ஆண்ட்ராய்டு மற்றும் ஐஃபோன்களில் வாட்ஸ்அப் செயலியை பயன்படுத்த முடியாது என்று கெனால்டெக் அதன் அறிக்கையில் தெரிவித்துள்ளது. Android 5.0 மற்றும் iOS 12-க்கு முந்தைய வெர்ஷன்களைக் கொண்ட ஸ்மார்ட் போன்களுக்கு பாதுகாப்பு மற்றும் பிற அப்டேட்களை வாட்ஸ்அப் வழங்காது என்றும் தெரிவிக்கப்பட்டுள்ளது.

வாட்ஸ்அப் அப்டேட் பெற முடியாத ஸ்மார்ட்போன் மாடல்களின் பட்டியல்:

amsung: Galaxy Ace Plus, Galaxy Core, Galaxy Express 2, Galaxy Grand, Galaxy Note 3, Galaxy S3 Mini, Galaxy S4 Active, Galaxy S4 Mini, Galaxy S4 Zoom
Motorola: Moto G, Moto X
Apple: iPhone 5, iPhone 6, iPhone 6S, iPhone 6S Plus, iPhone SE
Huawei: Ascend P6 S, Ascend G525, Huawei C199, Huawei GX1s, Huawei Y625
Lenovo: Lenovo 46600, Lenovo A858T, Lenovo P70, Lenovo S890
Sony: Xperia Z1, Xperia E3
LG: Optimus 4X HD, Optimus G, Optimus G Pro, Optimus L7

வாட்ஸ்அப்பில்  புதிய வசதி அறிமுகம்!

வாட்ஸ்அப்பில் இன்-ஆப் டயலர் (In-App dialer) எனும் புதிய வசதி அறிமுகம் செய்யப்பட்டுள்ளது.

பொதுவாக பயனர்கள் தங்கள் செல்போன்களில் சேமித்து வைத்திருக்கும் ஃபோன்  நம்பர்களுக்கு மட்டுமே வாட்ஸ்அப் மூலம் கால் (Call) செய்ய முடியும். ஆனால், ஆண்ட்ராய்டு பயனர்களுக்கு வழங்கப்பட்டுள்ள இந்த இன்-ஆப்  டயலர் வசதி மூலம் காண்டாக்ட்ஸில் (Contacts) சேமித்து வைக்காத ஃபோன் நம்பர்களுக்கும் கால் செய்ய முடியும். இந்த அம்சம் பீட்டா வெர்ஷனில் ஆண்ட்ராய்டு 2.24.13.17 வெர்ஷனில் சோதனை செய்யப்பட்டு வருகிறது. அந்த அம்சம் வாட்ஸ்அப்பில் உள்ள Calls Tab-இல் ‘floating call action’ என்ற பெயரில் பயனர்களுக்கும் வழங்கப்பட்டுள்ளது.

இந்தியாவில் மெட்டா ஏஐ வசதி!

இந்தியாவில் மெட்டா நிறுவனத்தின் ஏஐ சாட்பாட்டான ‘மெட்டா ஏஐ’ அறிமுகம் செய்யப்பட்டுள்ளது.  ‘மெட்டா ஏஐ’ கடந்த ஏப்ரல் மாதம் முதல் உலகளவில் விரிவுபடுத்தப்பட்டு வருகிறது. அந்த வகையில், இந்தியப் பயனர்களுக்கென பேஸ்புக், இன்ஸ்டாகிராம் மற்றும் வாட்ஸ்அப் சேவைகளில் மெட்டா ஏஐ சாட்பாட் வசதி அறிமுகப்படுத்தப்பட்டுள்ளது. மெட்டா ஏஐ சாட்பாட்டும், மற்ற சாட்பாட்களை போல பயனர்களின் கேள்விகளுக்கு டெக்ஸ்ட் வடிவில் பதிலளிக்கும். இதில் புகைப்படங்களை உருவாக்கவும் முடியும் மற்றும் பயனர்களுக்கு அன்றாடப் பணிகள், கற்றல் மற்றும் ஆக்கப்பூர்வமான வேலைகளில் உதவுகிறது. மேலும், இந்த அம்சத்தை ஆங்கில மொழியில் மட்டுமே பயன்படுத்த முடியும்.

தற்போது ஒரு சில பயனர்களுக்கு மட்டும் வழங்கப்பட்டுள்ள இந்த அம்சம், படிப்படியாக அனைத்து பயனர்களுக்கும் வழங்கப்பட உள்ளது.