tamilnadu

ரே‌சன் கடைகளில் 14 வகை மளிகை பொருட்கள் : இன்று முதல் டோக்கன்....

சென்னை:
ரே‌சன் கடைகளில் 15 ஆம் தேதி முதல் 14 வகை மளிகைப் பொருட்கள் அடங்கிய தொகுப்பும், ரூ.2 ஆயிரம் நிவாரணமும் வழங்கப்பட உள்ளது. அரிசி பெறும் குடும்ப அட்டை வைத்துள்ள 2.11 கோடி குடும்பத் தினர் இதன் மூலம் பயன் அடைய உள்ளனர்.சட்டமன்ற தேர்தலில் திமுக வெற்றி பெற்று ஆட்சிக்கு வந்ததும் கொரோனா நிவாரணமாக ரூ.4 ஆயிரம் வழங்கப்படும் என்று மு.க.ஸ்டாலின் தெரிவித்திருந்தார்.சட்டமன்ற தேர்தலில் வெற்றிபெற்று ஆட்சி அமைத்து முதலமைச்சராக பொறுப்பேற்றதும் கடந்த மாதம் 7 ஆம் தேதி கொரோனா நிவாரணமாக ரூ.4 ஆயிரம் வழங்கும் கோப்பில் மு.க.ஸ்டாலின் கையெழுத்திட் டார். இந்த நிவாரண உதவி 2 கட்டங்களாக வழங்கப்படும் என்று தெரிவிக்கப்பட்டு இருந்தது. இதன்படி கடந்த மாதம் ரூ.2 ஆயிரம் நிவாரணம் ரே‌சன் கடைகளில் வழங்கப் பட்டது.

இந்தநிலையில் 2-வது தவணையாக ரூ.2 ஆயிரம் கொரோனா நிவாரண உதவியுடன் 14 மளிகைப்பொருட்கள் அடங்கிய இலவச தொகுப்பு வழங்கவும் முதலமைச்சர் மு.க.ஸ்டாலின் உத்தரவிட்டார்.முன்னாள் முதல்வர் கருணாநிதி பிறந்த நாளான கடந்த 3 ஆம்தேதி இந்த திட்டத்தை அவர்தொடங்கி வைத் தார். ரே‌சன் கடைகளில் 14 வகையான மளிகைபொருட்களை வழங்குவதற் கான ஏற்பாடுகள் தீவிரப்படுத் தப்பட்டுள்ளன.இதற்காக ஜூன் 11ஆம் தேதி  முதல் டோக்கன் வழங்கப்படுகிறது. ரே‌சன் கடை ஊழியர்கள் வீடு, வீடாக சென்று டோக்கனை வழங்க அறிவுறுத்தப்பட்டுள்ளது. வருகிற 14 ஆம் தேதி வரை டோக் கன் வழங்கப்படும் என்று ரே‌சன்கடை ஊழியர்கள் தெரிவித்துள் ளனர்.15 ஆம் தேதி முதல் ரே‌சன் கடைகளில் 14 வகை மளிகைப் பொருட்கள் அடங்கிய தொகுப் பும், ரூ.2 ஆயிரம் நிவாரணமும் வழங்கப்பட உள்ளது. அரிசி பெரும் அட்டை வைத்துள்ள 2.11 கோடி குடும்பத்தினர் இதன் மூலம் பயன் அடைய உள்ளனர்.

14 வகை மளிகைப் பொருட் களை ஒரு பையில் போட்டு கொடுக்க அறிவுறுத்தப்பட்டுள் ளது. இதற்காக தமிழக அரசு சார் பில் பையும் தயாராக உள்ளது.கோதுமை மாவு-1 கிலோ, உப்பு -1 கிலோ, சர்க்கரை-500 கிராம், உளுத்தம்பருப்பு- 500 கிராம், புளி-250 கிராம், கடலை பருப்பு-250 கிராம், கடுகு-100 கிராம், சீரகம்-100 கிராம், மஞ்சள் தூள்-100 கிராம், மிளகாய் தூள்-100 கிராம், டீத்தூள் -100 (2 பாக் கெட்டுகள்), குளியல் சோப்-1 (125 கிராம்), சலவை சோப்-1 (250 கிராம்) ஆகிய 14 பொருட்கள் சிறப்பு தொகுப்பில் இடம் பெற்றுள்ளன.இந்த பொருட்கள் அடங்கிய தொகுப்பு அனைத்து ரே‌சன் கடை களுக்கும் இன்னும் சில தினங்களில் அனுப்பி வைக்கப்பட உள்ளன. ரே‌சன் கடை ஊழியர் களே அவைகளை பார்சல்களாக போட்டு தயார் செய்ய உள்ளனர்.பின்னர் பொதுமக்களிடம் டோக்கன்களை பெற்றுக் கொண்டு மளிகைப்பொருட்கள் அடங்கி இலவச தொகுப்பையும், ரூ.2 ஆயிரம் நிவாரண உதவியையும் வழங்க உள்ளனர்.இதற்கிடையே பல்வேறு ரே‌சன் கடைகளில் கடந்த வாரமே டோக்கன்கள் வழங்கப் பட்டுள்ளன. அந்த டோக்கன்களில் 11 ஆம் தேதிக்கு முந்தைய தேதிகள் குறிப்பிடப்பட்டுள்ளன. இதுபோன்று வினியோகம் செய்யப்பட்ட டோக்கன்களில் தேதியை மாற்றி கொடுக்க ரே‌சன் கடை ஊழியர்கள் முடிவு செய்துள்ளனர்.

;