நாகப்பட்டினம்: நாகப்பட்டினம், காடம்பாடியில் உள்ள ஏ.ஜே.சி.பப்ளிக் பள்ளியில், செவ்வாய்க்கிழமை அன்று பொங்கல் விழா நடைபெற்றது. விழாவிற்குப் பள்ளித் தாளாளர் பி.சந்திரன் தலைமை வகித்தார். ஆசிரியை ஆர்.மீனாட்சி வரவேற்புரையாற்றினார். பாஸ்டர் ஆர்.கே.பிரான்க்ளின், பெற்றோர் ஆசிரியர் கழகத் தலைவர் ஆர்.கணேசன் உள்ளிட்டோர் வாழ்த்துரை வழங்கினர். தாளாளர் பி.சந்திரன், பள்ளி முதல்வர் ஜே.பென்னெட், பொதுமேலாளர் என்.செல்வன் ஜெபராஜ் ஆகியோர் பல்வேறு போட்டிகளில் வெற்றி பெற்ற மாணவ மாணவியருக்குப் பரிசுப் பொருள்களை வழங்கினர். கே.கேசவன் நன்றி கூறினார். விழாவில் நாட்டுப் புறக் கலை நிகழ்ச்சிகள் மற்றும் விளையாட்டுப் போட்டிகள் நடைபெற்றன. இதே போல் வேதாரணியம் வட்டம், கருப்பம்புலம் ஞானாம்பிகா தொடக்கப் பள்ளியில் மாணவ மாணவியர், ஆசிரியர்கள் ஒன்று கூடி, திங்கட்கிழமை அன்று, பள்ளி வளாகத்தில் பொங்கல் வைத்துக் கொண்டாடினர்.
