நாளை உருவாகிறது காற்றழுத்த தாழ்வு பகுதி

சென்னை, நவ. 25- தெற்கு அந்தமான் கடல் மற்றும் அதனை ஒட்டியுள்ள தென்கிழக்கு வங்கக்கடல் பகுதிகளில் உருவாகும் காற்றழுத்த தாழ்வு பகுதி 29ஆம்  தேதி காற்றழுத்த தாழ்வு மண்டலமாக  வலுபெறக்கூடும் என சென்னை வானிலை ஆய்வு மையம் தெரிவித் துள்ளது.

இதுதொடர்பாக சென்னை வானிலை ஆய்வு மையம் வெளியிட்டுள்ள அறிகையில், தெற்கு  அந்தமான் கடல் மற்றும் அதனை  ஒட்டியுள்ள தென்கிழக்கு வங்கக்கடல்  பகுதிகளில் 27ஆம் தேதி வாக்கில் ஒரு  காற்றழுத்த தாழ்வு பகுதி உருவாகக் கூடும். இது மேற்கு-வடமேற்கு திசை யில் நகர்ந்து தென்கிழக்கு வங்கக் கடல் பகுதிகளில் 29ஆம் தேதி காற்ற ழுத்த தாழ்வு மண்டலமாக வலுபெறக் கூடும்.

கிழக்கு திசை காற்றின் வேகமாறு பாடு காரணமாக, ஞாயிறன்று (நவ. 26) தமிழ்நாட்டில் ஒருசில இடங்களிலும், புதுவை மற்றும் காரைக்கால் பகுதி களிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.

27ஆம் தேதி முதல் டிசம்பர் 1ஆம்  தேதி வரை: தமிழ்நாட்டில் ஓரிரு  இடங்களிலும், புதுவை மற்றும் காரைக்கால் பகுதிகளில் லேசானது  முதல் மிதமான மழை பெய்யக் கூடும்.

மீனவர்களுக்கான எச்சரிக்கை
27ஆம் தேதி தெற்கு அந்தமான் மற்றும் அதனை ஒட்டிய வடக்கு அந்த மான் கடல் பகுதிகளில் சூறாவளிக் காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55  கிலோ மீட்டர் வேகத்திலும் வீசக்கூடும்.