மணிப்பூர், ஹரியானா போன்று இந்தியாவை எரிப்பதுதான் பாஜகவின் திட்டம் என்று மக்களவையில் ஏ.எம்.ஆரிப் கூறினார்.
மேலும் அவர் பேசுகையில், பிரதமரை நாடாளுமன்றத்திற்கு கொண்டுவர எதிர்க்கட்சிகள் நம்பிக்கையில்லா தீர்மானம் கொண்டு வந்தமை ஆளும் கட்சியின் முழுமையான தோல்வியாகும். மணிப்பூர் நிர்வாகத்தின் இயலாமையில் உச்சநீதிமன்றம் தலையிட்டதை கருத்தில் கொண்டு பிரதமர் நரேந்திர மோடியும் உள்துறை அமைச்சர் அமித்ஷாவும் பதவி விலக வேண்டும் என்று ஆரிப் கூறினார்.
நாடாளுமன்ற கட்டிடத்தில் உள்ள தனது அறையில் பாஜக உறுப்பினர்களை கூட்டி, நாட்டை பிளவுபடுத்தும் தேர்தலில் எப்படி வெற்றி பெறுவது என்று பிரதமர் யோசித்தார். பத்திரிகையாளர்களை ஏன் நாடாளுமன்றத்தில் அனுமதிக்கவில்லை என்பதை விளக்குங்கள். மணிப்பூர் பற்றி எரியும் போது, பிரதமர் பிரான்ஸ் சென்று உலக அமைதி குறித்து உரை நிகழ்த்தினார். குடியுரிமை சட்டத்திருத்த மசோதா போன்று பொது சிவில் சட்டத்தை மக்கள் மீது திணிக்கும் முயற்சி நடந்து வருகிறது. பாபர் மசூதியை இடித்தது போல் இப்போது ஞானவாபி மசூதியை இடிக்கப் பார்க்கிறார்கள். வாக்குகளுக்காக நாட்டையே எரிக்கவும் தயங்க மாட்டார்கள்.
கடந்த தேர்தலின் போது பினராயி விஜயன் தலைமையிலான எல்.டி.எஃப் அரசை கவிழ்க்க ஒன்பது மத்திய அமைப்புகள் கேரளாவுக்கு அனுப்பப்பட்டன. சஞ்சய் குமார் மிஸ்ராவை அமலாக்க இயக்குநராக வாழ்நாள் முழுவதும் வைத்திருந்தாலும், எதிர்க்கட்சிகள் பாஜகவை எதிர்கொள்ளும். இப்போது பிரதமருக்கு ‘இந்தியா என்ற பெயரைக் கேட்டாலே சகித்துக்கொள்ள முடியவில்லை என்றும் ஆரிப் கூறினார்.