ஐபிஎல் டி20 கிரிக்கெட் தொடரில் இன்றைய லீக் ஆட்டத்தில் ராயல் சேலஞ்சர்ஸ் பெங்களூரு அணியும், சன்ரைசர்ஸ் ஹைதராபாத் அணிகள் மோதுகின்றன.
அமீரகத்தில் இன்று நடைபெற இருக்கும் லீக் போட்டியில் பெங்களூர்-ஹைதராபாத் அணிகள் களம் காண்கின்றன. இதுவரை இரு அணிகளும் நேருக்கு நேர் 19 போட்டிகள் விளையாடியுள்ளது. அதில், ஆர்சிபி 8 முறையும், சன்ரைசர்ஸ் ஹைதராபாத் அணி 10 போட்டிகளிலும் வெற்றி பெற்றன. சன்ரைசர்ஸ் ஹைதராபாத் அணி 12 போட்டிகளில் வெறும் 4 புள்ளிகள் மட்டுமே பெற்று புள்ளி பட்டியலில் கடைசி இடத்தில் உள்ளது. ஆர்சிபி 12 ஆட்டங்களில் எட்டு வெற்றிகளுடன் 16 புள்ளிகளைப் பெற்று அட்டவணையில் மூன்றாவது இடத்தில் உள்ளது.
ப்ளே ஆஃப் சுற்றுக்குப் பெங்களூர் அணி ஏற்கெனவே தகுதிப்பெற்ற நிலையில் ஹைதராபாத் அணி ஆறுதல் வெற்றிக்காகக் களம் காண்கிறது. இவ்விரு அணிகளுக்கு இடையிலான போட்டி சார்ஜா மைதானத்தில் இந்திய நேரப்படி இரவு 7.30 மணிக்குத் தொடங்குகிறது.