ஹவானா, மார்ச் 18- அமெரிக்காவின் சட்டவிரோதத் தடைகள் அதி கரித்து வரும் நிலையில், அதை மீறி தொழில் நுட்ப வளர்ச்சியில் சுயமான முயற்சிகளை மேற்கொண்டு சாதிப்போம் என்று கியூபாவின் தொழில்நுட்ப வல்லுநர்கள் குறிப்பிட்டுள்ளனர். கியூபாவின் கணினி அறிவியல் பல்கலைக்கழ கத்தைச் சேர்ந்த வல்லுநர்கள், பேராசிரியர்கள் மற்றும் மாணவர்கள், அந்நாட்டின் தொலைத் தொடர்பு நிறுவனமான எடிஸ்காவுடன் இணைந்து செயல்பட்டுக் கொண்டிருக்கிறார்கள். 2017 ஆம் ஆண்டு தொடங்கப்பட்ட இந்தத் திட்டத்தின் மூலம் ஏராளமான மொபைல் செயலிகளை உரு வாக்கியிருக்கின்றனர். இதில் டுடஸ் என்ற செய்தி களை அனுப்பும் செயலி முக்கியமான உருவாக்க மாகக் கருதப்படுகிறது.  பெரும் நிறுவனங்கள் தயாரித்துள்ள செயலிகளுக்கு இணையாக இது இயங்கும் என்று வல்லுநர்கள் கருத்து தெரி வித்துள்ளனர்.

உலக அளவில் செயல்பட்டு வரும் பல்வேறு செயலிகள் மற்றும் தொழில்நுட்ப வசதிகளை கியூபா பயன்படுத்த முடியாமல் அமெரிக்கத் தடை கள் தடுத்து வருகின்றன. அதையும் மீறி, கியூபா வுக்கு அந்த வசதிகளைத் தரும் நிறுவனங்கள் மீது அமெரிக்கா நடவடிக்கை எடுக்கிறது. அத்த கைய நிறுவனங்கள் அமெரிக்கா உள்ளிட்ட பிற நாடுகளில் இயங்க முடியாத நிலை ஏற்படுகிறது. இத்தகைய நிலையால், தகவல் தொழில்நுட்ப மேம்பாட்டில் சொந்தக் காலில் நிற்க வேண்டிய கட்டாயமும் கியூபாவுக்கு ஏற்பட்டுள்ளது. இது குறித்துப் பேசிய டுடஸ் திட்டத்தின் தலைவரான ஹானியல் காசெரெஸ், “கியூப மக்களின் தேவைகளுக்கான வடிவம் மற்றும் தொழில்நுட்ப வசதிகளை உருவாக்க வேண்டி யது அவசியமாகிறது. தனது சொந்தத் தகவல்க ளையும், ஆதரவு செயலிகளையும் கியூபாவுக் காக தயாரிக்க வேண்டும். கியூபாவுக்கு எதிரான தடைகள் மூலம் அனைத்துத் தொழில்நுட்ப வசதிக ளையும் அமெரிக்கா தடுத்து விட்டது” என்று கூறியுள்ளார். பிக்டா என்றொரு சேவையையும் கியூப வல்லுநர்கள் உருவாக்கியுள்ளனர். இதன் ஆவணப்படங்கள், திரைப்படங்கள் மற்றும் தொலைக்காட்சி நிகழ்ச்சிகளை நேரடியாக ஒளிபரப்புவது உள்ளிட்ட சேவைகளைத் தர முடியும்.

புதிய செயலிகளை உருவாக்கும் லியோடா னிஸ் பெர்னால், “சர்வதேச அளவில் ஏராளமான தளங்கள் உள்ளன. அதில் எல்லாம் எங்கள் படங்களை திரையிட முடியவில்லை. அமெரிக்கா வின் தடைகள் எங்களைத் தடுக்கின்றன. ஆனால், திரையிடலை வர்த்தக ரீதியாக மேற்கொள்வ தற்கான ஏற்பாடு எங்களிடம் இருக்கிறது” என் கிறார். இவர் பிக்டா செயலியின் தகவல் சேமிப்புத் துறையில் பணியாற்றிக் கொண்டிருக்கிறார். டுடஸ் மற்றும் பிக்டா ஆகிய இரண்டு செயலிக ளும் கியூபாவின் ஆப்க்லிஸ் என்ற செயலிகள் ஆன்லைன் சந்தையில் கிடைக்கின்றன.

பெரும் முன்னேற்றம்

வரும் ஆண்டுகளில் பெரும் முன்னேற் றத்தைப் பார்க்கப் போகிறோம் என்று ஆப்க்லிஸ் திட்டத்தின் தலைமைப் பொறுப்பில் இருக்கும் 31 வயதான யாய்செலிஸ் ராமிரேஸ் கூறுகிறார். செயலிகளை உருவாக்கும் வல்லுநர்களை உற்சாகப்படுத்தும் வகையில் வர்த்தக ரீதியிலான வருமானம் கிடைக்கும் புதிய மாதிரி ஏற்பாடு களை செய்யப் போகிறார்கள். செயலிகளை தரவிறக்கம் செய்வதில் சில பிரச்சனைகள் இருக்கத்தான் செய்கின்றன. கியூப வங்கிகளால் விநியோகிக்கப்படாத வங்கி அட்டைகளை வைத்து பணம் செலுத்த முடியாத நிலை உள்ளது என்று ராமிரெஸ் குறிப்பிடுகிறார். தொலைத் தொடர்பு நிறுவனமான எடிஸ்கா வின் இயக்குநர்களில் ஒருவரான ஹெக்டர் லூயிஸ் மோரா, “தகவல் தொழில்நுட்பத் துறை யில் தற்போது கியூபா கண்டு வரும் வளர்ச்சி யைத் தடுக்க முடியாது. நாட்டுக்குத் தேவையான வற்றை உருவாக்க எங்களிடம் போதுமான அள வுக்கு திறமை இருக்கிறது” என்று உறுதியாகத் தெரிவிக்கிறார். கியூபாவில் 75 லட்சம் மக்கள் இணைய தளங்கள் மூலமாகத் தொடர்பு கொள்கி றார்கள். அவர்களில் 80 விழுக்காட்டினர் தங்கள் அலைபேசி வாயிலாக இணைய தளங்களைப் பார்வையிடுகிறார்கள்.  முழுமையான மின்னணு நிர்வாகத்தை நோக்கி கியூப அரசுத்துறைகள் சென்று கொண்டி ருக்கின்றன. தடைகளை மீறி சொந்த தொழில் நுட்பங்கள் வாயிலாக அனைத்துத் தேவைகளை யும் நிறைவேற்றிக் கொள்ளப்போகிறோம் என்று ராமிரெஸ் தெரிவிக்கிறார்.