தொழிலாளர் உரிமைகளுக்கும் தொழில் வளர்ச்சிக்கும் இடையே சமநிலை சாத்தியமே!

சாம்சங் இந்தியா எலக்ட்ரானிக்ஸ் நிறுவனத்தின் தொழிற்சாலையில் தொழிலாளர்கள் ஒரு மாதத்திற்கும் மேலாக வேலைநிறுத்தம் செய்தனர். இதனால் நிறுவனத்திற்கு சுமார் ரூ.800 கோடி இழப்பு ஏற்பட்டதாக சென்னை உயர்நீதிமன்றத்தில் நிறுவனம் தெரிவித்தது. இந்நிலையில், தொழிற்சங்கப்  போராட்டங்களால் தொழிற்துறை வளர்ச்சி பாதிப்பு அதிகம் என பரபரப்பான தகவல்கள் பரப்பப்படுகின்றன. இது உண்மையா என்பதற்கு, தி இந்து நாளிதழின் “டேட்டா பாயிண்ட்” ஆய்வு பதில் அளிக்கிறது.

2008-2018 காலகட்ட ஆய்வு

1. தொழிலாளர் போராட்டங்கள்
n தமிழ்நாட்டில் அதிக அளவில் தொழிலாளர் போராட்டங்கள் நடந்துள்ளன.
n இந்தியாவில் நடந்த மொத்த வேலைநிறுத்தங்களில் 36% தமிழகத்தில் நடந்துள்ளது.
n இது மற்ற மாநிலங்களை விட அதிகம்.
2. தொழிற்சாலைகளின் நிலை
l    இந்தியாவின் மொத்த தொழிற்சாலைகளில் 16% தமிழகத்தில் உள்ளது
l    2008ல் 14% ஆக இருந்த எண்ணிக்கை 2018ல் 16% ஆக உயர்ந்துள்ளது
l    தொழிலாளர்கள் எண்ணிக்கையிலும் தமிழகம் முன்னணியில் உள்ளது
3. வேலைநாட்கள் இழப்பு
n போராட்டங்களால் ஏற்பட்ட வேலைநாட்கள் இழப்பில் தமிழகம் முதலிடத்தில் உள்ளது.
n மொத்த வேலைநாட்கள் இழப்பில் 45% தமிழகத்தில் ஏற்பட்டுள்ளது.
n இரண்டாவது இடத்தில் மகாராஷ்டிரா உள்ளது.
4. உற்பத்தி இழப்பு
l போராட்டங்களால் ஏற்பட்ட உற்பத்தி இழப்பில் குஜராத் முதலிடத்தில் உள்ளது (24%).
l குஜராத், மகாராஷ்டிரா மற்றும் தமிழ்நாடு ஆகிய மூன்று மாநிலங்களும் தொழில்மயமாக்கலில் முன்னணியில் உள்ளன
5. தொழிற்சங்க உறுப்பினர் விகிதம்
n இந்தியாவில் தொழிற்சங்க உறுப்பினர்கள் விகிதம் 20% மட்டுமே
n இது சீனாவின் 44.2% விகிதத்தை விட குறைவு
n உலகளவில் ஐஸ்லாந்து மற்றும் ஸ்கேண்டிநேவிய நாடுகள் 50% க்கும் மேல் தொழிற்சங்க உறுப்பினர் விகிதம் கொண்டுள்ளன
தொழிலாளர் போராட்டங்கள் அதிகம் இருந்தாலும், தமிழகத்தின் தொழில்துறை
வளர்ச்சி தொடர்ந்து உயர்ந்து வருகிறது. இது தொழிலாளர் உரிமைகளுக்கும், தொழில் வளர்ச்சிக்கும் இடையே ஒரு சமநிலை சாத்தியம் என்பதைக் காட்டுகிறது. 
தொழிற்சங்க உறுப்பினர்களின் விகிதம் குறைவாக இருந்தாலும், தொழிலாளர்கள் தங்கள் உரிமைகளுக்காக குரல் கொடுக்கும் தன்மை அதிகரித்து வருகிறது என்பதும் தெளிவாகிறது.