கடந்த ஆண்டு ஏப்ரல் முதல் இந்தாண்டு பிப்ரவரி வரை 11 மாதங்களில் இந்தியாவில் 10,113 தொழில் நிறுவனங்கள் தங்கள் செயல்பாட்டை நிறுத்தியுள்ளன எனபொதுத்துறை அமைச்சகம்  தெரிவித்துள்ளது. தமிழகத்தில் இயங்கி வந்த 1,322 தொழில் நிறுவனங்களும் இதில் அடங்கும் எனவும் தெரிவித்துள்ளது.

                                            ******* 

சிறப்பு டி.ஜி.பி.ராஜேஷ்தாஸ் மீது பாலியல் துன்புறுத்தல் புகார் அளிக்கச் சென்ற பெண் ஐ.பி.எஸ்.அதிகாரியை தடுத்த செங்கல்பட்டு எஸ்.பி.கண்ணன் சிலை கடத்தல் தடுப்புப் பிரிவுக்கு பணியிட மாற்றம் செய்யப்பட்டுள்ளார். 

                                            ******* 

ரயில் சேவையில் உள்ள குறைபாடுகள் தொடர்பாக நிர்வாகத்திடம் புகார் தெரிவிக்க, புதிய ஒருங்கிணைந்த, ‘உதவி மைய” எண் 139 (HELPLINE) அறிமுகம் செய்யப்பட்டுள்ளது.

                                            ******* 

கல்விரீதியிலும், சமூகரீதியிலும் பின்தங்கிய சமூகத்தினருக்கு இடஒதுக்கீடு அளிக்க சட்டமன்றத்திற்கு  அதிகாரம் உள்ளதா என்றவிவகாரம் தொடர்பாக அனைத்து மாநிலங்களும் பதில் அளிக்க வேண்டும் என்று உச்சநீதிமன்றம் உத்தரவிட்டுள்ளது.

                                            ******* 

தூர்தர்ஷன்,அகில இந்திய வானொலியில் அரசியல் கட்சிகள் பிரச்சாரம் செய்வதற்கான நேரத்தை தேர்தல் ஆணையம் இரு மடங்காக அதிகரித்துள்ளது.

                                            ******* 

இத்தாலியின் தலைநகர் ரோமில் நடைபெற்ற தரவரிசை மல்யுத்தத் தொடரில் இந்தியாவின் பஜ்ரங் புனியா தங்கம் வென்றார்.

                                            ******* 

லட்சத்தீவு அருகே 2,100 கோடிரூபாய் மதிப்புடைய போதைப் பொருட்களை கைமாற்ற நடைபெற்றமுயற்சியை இந்திய கடலோரக் காவல் படையினர் முறியடித்தனர்.

                                            ******* 

5 மாநில தேர்தல் எதிரொலியாக நாடாளுமன்ற பட்ஜெட் கூட்டத்தொடரின் இரண்டாவது பகுதியைதிட்டமிட்ட தேதிக்கு முன்னதாக வே முடித்துக் கொள்ள வாய்ப்பிருப்பதாகத் தகவல் வெளியாகியுள்ளது.

                                            ******* 

தோ்வுத் தாள் கசிவு வழக்கில் தமிழகத்தில் கைது செய்யப்பட்ட ராணுவ மேஜா் திருமுருகன் தங்கவேலை மார்ச் 15 ஆம் தேதி வரை காவலில் வைத்து விசாரிக்க புனே நீதிமன்றம் உத்தரவிட்டது.

                                            ******* 

சென்னை உயா்நீதிமன்றம் மற்றும் உயா்நீதிமன்ற மதுரை கிளையில் ஆன்லைன் மூலம் மட்டுமே வழக்குகள் விசாரிக்கப்படும் என்ற அறிவிப்பைக் கண்டித்து, வழக்குகளை நேரடியாக விசாரிக்கக் கோரி சென்னை உயா்நீதிமன்றத்தில் வழக்கறிஞா்கள் ஆா்ப்பாட்டத்தில் ஈடுபட்டனர்.

                                            ******* 

அரசியல் கட்சிகளின் தேர்தல் அறிக்கைகள் நடத்தை விதிகளுக்குட்பட்டு உள்ளனவா எனஆராய்ந்து உடனடியாக உத்தரவுகளை பிறப்பிக்க கோரிய வழக்கில், இந்திய தேர்தல் ஆணையம் பதிலளிக்க சென்னை உயர் நீதிமன்றம் உத்தரவிட்டுள்ளது.