திரிபுராவின் அகர்தலா நகரில் உள்ள டவுன் ஹாலில், 2025 ஜனவரி 29 முதல் 31 வரை, மார்க்சிஸ்ட் கம்யூனிஸ்ட் கட்சியின் திரிபுரா மாநில 24ஆவது மாநாடு நடைபெற்றது. இம்மாநாட்டில், மாநில செயலாளர் ஜிதேந்திர சௌத்ரி, அரசியல்-அமைப்பு அறிக்கையை முன் வைத்தார். இந்த அறிக்கையில், மாநிலத்தின் மோசமான பொருளாதார நிலை, அரசுத் துறை களின் தோல்வி, பாஜகவின் இந்துத்துவ பிரச்சாரம் மற்றும் எதிர்க்கட்சிகளுக்கு எதிரான பாஜகவின் பாசிச தாக்குதல்கள் குறித்து விரிவாக விளக்கப்பட்டது. அறிக்கையில், ஜனநாயக உரிமைகள் மறுக்கப்பட்டு, பெண்கள் மீதான வன்முறை மற்றும் மனித கடத்தல் போன்ற பிரச்சனைகள் அதிகரித்துள்ளன என்று குறிப்பிடப்பட்டது. பாஜக, தனது தோல்விகளை மறைப்பதற்காக, மத மற்றும் இன பிளவுகளை தூண்டி, சமூகத்தில் பிளவு களை உருவாக்க முயற்சிக்கிறது என்றும் அறிக்கை தெரிவித்தது.
புத்தக வெளியீடு
மாநாட்டின் முதல் நாள் முடிவில், மாணிக் சர்க்காரின் தலைமையில், திரிபுராவில் கம்யூ னிஸ்ட் இயக்கத்தின் வரலாறு (History of Communist Movement in Tripura) என்ற புத்தகம் வெளியிடப்பட்டது. இந்த புத்தகத்தை, திரிபுராவின் பிரபல வரலாற்றாசிரியர் மகாதேப் சக்ரவர்த்தி எழுதியுள்ளார். பிரகாஷ் காரத், இந்த புத்தகத்தின் ஆங்கில பதிப்பை வெளியிட வேண்டும் என்று பரிந்துரைத்தார்.
பிரதிநிதிகளின் கருத்துரைகள்
51 பிரதிநிதிகள், அரசியல்-அமைப்பு அறிக்கை குறித்து 8.5 மணி நேரம் விவாதித்தனர். கட்சி அமைப்பை வலுப்படுத்த வேண்டும், பழங்குடி இளைஞர்களை அணுக வேண்டும், விவசாயிகளின் பிரச்சனைகளை தீர்க்க வேண்டும் போன்ற பல கருத்துகள் முன்வைக்கப்பட்டன.
தீர்மானங்கள்
மாநாட்டில் பல தீர்மானங்கள் ஏற்கப்பட்டன, அவற்றில் முக்கியமானவை:
1. கல்வியை கொள்ளைமயமாக்குவதை எதிர்த்தல்.
2. பெண்கள் மீதான வன்முறைகளை கண்டித்தல்.
3. பாஜகவின் மத மற்றும் இன பிளவுகளை எதிர்த்தல்.
4. 2024 ஆகஸ்ட் வெள்ளத்தால் பாதிக்கப் பட்டவர்களுக்கு உதவி செய்தல்.
5. தன்னாட்சி மாவட்ட கவுன்சில்களுக்கு நிதி ஒதுக்கீடு செய்தல். திரிபுரா மாநில மாநாடு, கட்சியை சித்தாந்த பூர்வமாகவும், அமைப்புப்பூர்வமாகவும் வலுப் படுத்துவதற்கான வழிகளை வகுத்தது. பாஜகவின் பாசிச மற்றும் மதவாத பிரச்சாரங்களை எதிர் கொள்ள, மக்கள் இயக்கங்களை முன்னெடுக்க தீர்மானித்தது.