பிரெஞ்சு ஓபன் டென்னிஸ் அதிர்ச்சி தோல்விகளுக்கு முற்றுப்புள்ளி வைத்த ஜுவரேவ்

<p><strong>பிரெஞ்சு ஓபன் டென்னிஸ் அதிர்ச்சி தோல்விகளுக்கு முற்றுப்புள்ளி வைத்த ஜுவரேவ்</strong></p><p>களிமண் தரையில் நடை பெறும் ஒரே கிராண்ட்ஸ்லாம் போட்டியான பிரெஞ்சு ஓபன் டென்னிஸ் தொடரின் 96ஆவது சீசன் பிரான்ஸ் தலைநகர் பாரீஸில் நடைபெற்று வருகிறது. </p><p>இந்த தொடரில் சனியன்று நடை பெற்ற ஆடவர் ஒற்றையர் பிரிவு 3ஆவது சுற்று ஆட்டத்தில் தரவரிசையில் 2 ஆவது இடத்தில் உள்ள ஜெர்மனியின் ஜுவரேவ், தரவரிசையில் இல்லாத பிரான்சின் ஹாலிஸை எதிர் கொண்டார். </p><p>இந்த போட்டி சின்னர், ஜோகோ விச்சின் அதிர்ச்சி தோல்வியின் ஆட்டங் கள் போன்றே நகர்ந்தது. </p><p>ஆனால் ஜுவரேவ் சுதாரித்துக்கொண்டு வெற்றி யை தான் பக்கம் வசப்படுத்தினார். </p><p>அதாவது இந்த ஆட்டத்தின் முதல் 2 செட்களை 6-4, 6-3 என்ற கணக்கில் ஜுவரேவ் கைப்பற்றினார்.</p><p> ஆனால் 3ஆவது செட்டை 7-5 என்ற கணக்கில் ஹாலிஸ் கைப்பற்றினார். இதனால் இந்த ஆட்டம் பரபரப்பானது. </p><p>சின்னர், ஜோகோவிச் போல ஆகிவிடுமோ என ரசிகர்கள் இருக்கையை விட்டு எழாமல் அப்படியே அமர்ந்து இருந்தனர். மைதானம் அமைதியானது. </p><p>எனினும் பாய்ச்சல் வேகத்தில் புள்ளிகளை குவிக்க ஆரம்பித்த ஜுவரேவ் 4ஆவது செட்டை 6-2 என்ற கணக்கில் கைப்பற்றி னார். </p><p>இறுதியில் 6-4, 6-3, 5-7, 6-2 என்ற செட் கணக்கில் ஜுவரேவ் அபார வெற்றி பெற்று 4ஆவது சுற்றுக்கு முன்னேறினார்.</p><p> இதன்மூலம் அதிர்ச்சி தோல்விகளுக்கு ஜுவரேவ் முற்றுப் புள்ளி வைத்துள்ளார். </p><p>இதே பிரிவில் இத்தாலியின் கோபோலி, அமெரிக்கா வின் வத்ஜா ஆகியோரும் 4ஆவது சுற்றுக்கு தகுதி பெற்றனர். </p><p>ஒசாகா அபாரம் மகளிர் ஒற்றையர் பிரிவு 3ஆவது சுற்று ஆட்டத்தில் தரவரிசையில் 16 ஆவது இடத்தில் உள்ள ஜப்பானின் ஒசாகா, 17ஆவது இடத்தில் உள்ள அமெரிக்காவின் ஜோவிச்சை எதிர் கொண்டார்.</p><p> மிக பரபரப்பாக நடை பெற்ற இந்த ஆட்டத்தில் ஒசாகா 7-6 (7-5), 6-7 (3-7), 6-4 என்ற செட் கணக்கில் வெற்றி பெற்று 4ஆவது சுற்றுக்கு தகுதி பெற்றார். </p><p>அதே போல தர வரிசையில் 11ஆவது இடத்தில் உள்ள சுவிட்சர்லாந்தின் பென்கிச் 6-3, 6-3 என்ற செட் கணக்கில் தரவரிசையில் இல்லாத அமெரிக்காவின் பெய்டா னை வீழ்த்தி, 4ஆவது சுற்றுக்கு முன்னேறினார்.</p>