பெண்களுக்குச் சொந்தமான நிறுவனங்கள் 10 மடங்கு மூடல் டாக்டர் வி.சிவதாசன் எம்.பி. கவலை

<p><strong>பெண்களுக்குச் சொந்தமான நிறுவனங்கள் 10 மடங்கு மூடல்</strong></p><p><strong>டாக்டர் வி.சிவதாசன் எம்.பி. கவலை</strong></p><p>உதயாம் (Udyam) பதிவு அதிகரித்துள்ளதாகக் கூறிக்கொள்ளும் ஒன்றிய அரசு, பெண்கள் நடத்தும் குறு, சிறு மற்றும் நடுத்தர நிறுவனங்களின் தொடர் மூடல் மற்றும் சரிவைத் தடுக்கத் தவறிவிட்டது என்று மார்க்சிஸ்ட் கட்சி மாநிலங்களவை உறுப்பினர் டாக்டர் வி.சிவதாசன் எம்.பி. குற்றஞ்சாட்டியுள்ளார்.</p><p>976 சதவீதம் அதிகரித்த நிறுவனங்கள் மூடல்</p><p>சிவதாசனின் கேள்விக்கு ஒன்றிய சிறு, குறு, நடுத்தரத் தொழில்கள் துறை இணை அமைச்சர் சோபா கரந்த்லாஜே அளித்த பதிலின்படி, பெண்களுக்கே சொந்தமான சிறு, குறு உற்பத்தி நிறுவனங்களின் மூடல் கடந்த ஐந்து ஆண்டுகளில் பலமடங்கு அதிகரித்துள்ளது. 2021-22 இல் 361 ஆக இருந்த மூடல் எண்ணிக்கை, 2025-26 இல் 3,884 ஆக உயர்ந்துள்ளது. அதாவது கடந்த 5 ஆண்டுகளில் 8,500-க்கும் மேற்பட்ட நிறுவனங்கள் தங்கள் செயல்பாடுகளை முழுமையாக நிறுத்தியுள்ளன.</p><p>காரணம் கண்டறியாத அரசு</p><p>நிறுவனங்கள் ஏன் மூடப்படுகின்றன என்பது குறித்து ஒன்றிய அரசு எந்தவொரு முறையான ஆய்வும் செய்யவில்லை. மூலப்பொருள் செலவு உயர்வு, ஜிஎஸ்டி</p><p>சுமை, சந்தை அணுகல் தடைகள் மற்றும் கடனுதவி இல்லாமை போன்ற காரணங்களால் சிறு நிறுவனங்கள் அழிகின்றன. எனவே, பெண்களின் தொழில்முனைவுத் திறனைப் பாதுகாக்க சிறப்பு மறுவாழ்வுத் தொகுப்பு மற்றும் தேசிய கொள்கையை அரசு உடனடியாக அறிவிக்க வேண்டும் என்று சிவதாசன் கூறியுள்ளார்.</p>