சிபிஎம் வேட்பாளர் ஆர்.செல்லசுவாமிக்கு ஆதரவாக பெண்கள் வாக்குச்சேகரிப்பு

<p><strong>சிபிஎம் வேட்பாளர் ஆர்.செல்லசுவாமிக்கு ஆதரவாக பெண்கள் வாக்குச்சேகரிப்பு</strong></p><p>மதச்சார்பற்ற முற்போக்கு கூட்டணியின் பத்மநாபபுரம் தொகுதி சிபிஎம் வேட்பாளர் ஆர்.செல்லசுவாமியை ஆதரித்து சனிக்கிழமையன்று செருக்கோல் ஊராட்சியில் திமுக மகளிர் அணியின் வெல்லும் தமிழ்ப் பெண்கள் சார்பில் வாக்குச்சேகரிப்பு நடைபெற்றது.</p><p>இதனை திமுக குமரி மேற்கு மாவட்டச் செயலாளரும் அமைச்சருமான மனோ தங்கராஜ் துவக்கிவைத்துப் பங்கேற்றார். பேரூராட்சிகள், ஊராட்சிகளில் பொதுமக்கள் சிறப்பான வரவேற்பு அளித்தனர்.</p><p>திருவட்டார், ஆற்றூர், பேரூராட்சிகள் மற்றும் ஏற்றக்கோடி, குமரன்குடி ஊராட்சிகள் ஆகிய பகுதிகளில் மதச்சார்பற்ற முற்போக்கு கூட்டணியின் பத்மநாபபுரம் தொகுதி சிபிஎம் வேட்பாளர் ஆர்.செல்லசுவாமி ஏப்ரல் 11 சனிக்கிழமையன்று மக்களை நேரடியாகச் சந்தித்து வாக்கு சேகரித்தார். கூட்டணிக்கட்சியினரும் பொதுமக்களும் சிறப்பான வரவேற்பு அளித்தனர்.</p>