திருச்சி விரைவு செய்திகள்

<p><strong>வேன் மோதி பெண் படுகாயம்</strong></p> <p>நத்தம், ஜன.8- புதுக்கோட்டை மாவட்டம் பொன்னமராவதியை சேர்ந்த வர் வீரமணி(50). இவர் நத்தம் அருகே குட்டூரில் உள்ள சிவன் &nbsp;கோவிலில் சமையல் வேலை செய்து வருகிறார். சம்பவத்தன்று வேலையை முடித்து விட்டு சாலையை கடக்க முயன்றார். அப்போது திண்டுக்கல்லில் இருந்து நத்தம் &nbsp;நோக்கி வந்த வேன் அவர் மீது மோதியது. இதில் தூக்கி வீசப்பட்ட வீரமணிக்கு பலத்த காயம் ஏற்பட்டது. ஆபத்தான &nbsp;நிலையில் நத்தம் அரசு மருத்துவமனையில் சிகிச்சைக்காக சேர்த்தனர். பின்னர் மேல் சிகிச்சைக்காக மதுரை அரசு &nbsp;மருத்துவமனையில் அனுமதிக்கப்பட்டுள்ளார்.</p> <p><strong>குச்சனூரில் எரிவாயு தகன மேடை அமைக்கும் இடம் மாற்றம்</strong></p> <p>சின்னமனூர், ஜன.8- குச்சனூர் பகுதியில் எரிவாயு தகன மேடை அமைப்பது &nbsp;தொடர்பாக பொதுமக்கள் மற்றும் பக்தர்கள் மத்தியில் ஏற் &nbsp;பட்ட சர்ச்சைக்குப் பின், திட்ட இடம் மாற்றப்பட்டது. இதற்கான &nbsp;முதற்கட்ட பணிகள் தற்போது தொடங்கிவிட்டன. சின்னமனூர் அருகே குச்சனூர் பேரூராட்சியில் இராஜ பாளையம், துரைச்சாமிபுரம் பகுதிகளில் சுமார் 10,000க்கும் &nbsp;மேற்பட்ட மக்கள் வசிக்கின்றனர். இங்கு பிரசித்தி பெற்ற சுயம்பு சனீஸ்வரபகவான் கோயில் அமைந்துள்ளது. இத னால், துரைச்சாமிபுரம் பகுதியில் எரிவாயு தகன மேடை அமைக்கக் கூடாது என்று பொதுமக்கள் எதிர்ப்பு தெரிவித்தனர். இதனைத் தொடர்ந்து, திட்டத்தை 3 கி.மீ. தூரத்தில் உள்ள &nbsp;சங்கராபுரம் சாலைக்கு மாற்றப்பட்டது. இதற்காக அரசு புறம்போக்கு நிலம் அளவீடு செய்யப்பட்டு, 60 சென்ட்கள் பரப்பளவில் ரூ.1.68 கோடி மதிப்பீட்டில் பணிகள் தொடங்கி யுள்ளன. பூமி பூஜை நிகழ்ச்சி குச்சனூர் பேரூராட்சி மன்ற தலைவர் &nbsp;ரவிச்சந்திரன் &nbsp;தலைமையில் நடைபெற்றது. பின்னர், போலீஸ் &nbsp;பாதுகாப்புடன் கட்டுமான பணிக்கு அடிக்கல் நாட்டப்பட்டது. இந்த நிகழ்ச்சியில் செயல் அலுவலர் சின்னபாண்டியன், மன்ற உறுப்பினர்கள் தயாளன், முத்துராமலிங்கம், சந்தானம், &nbsp;மீனாட்சி, பிரேமா, நாகராணி, லீலாவதி மற்றும் பிற அதிகாரி கள் கலந்து கொண்டனர்.</p> <p><strong>கஞ்சா கடத்தல்; 2 பேர் கைது</strong></p> <p>கடமலைக்குண்டு, ஜன.8- தேனியில் இருந்து அரசு பேருந்தில் கஞ்சா கடத்தி வருவ தாகக் கிடைத்த ரகசிய தகவலின் பேரில், கடமலைக்குண்டு போலீசார் சப்-இன்ஸ்பெக்டர் தீபக் தலைமையில் வாகன தணிக்கை நடத்தினர். டாணா தோட்டம் பேருந்து நிறுத்தத்தில் அரசு பேருந்தில் &nbsp;இருந்து இறங்கி சந்தேகத்திற்கிடமான நிலையில் நின்ற இருவரை போலீசார் கைது செய்தனர். அவர்களிடமிருந்த பைகளை சோதித்தபோது 12 பண்டல்களில் மொத்தம் 12.640 &nbsp;கிலோ கஞ்சா கண்டுபிடிக்கப்பட்டது. மேலும், ரூ.16,800 ரொக்க பணமும் கைப்பற்றப்பட்டது. திண்டுக்கல் மாவட்டம், விருவீடையைச் சேர்ந்த பாண்டி &nbsp;(42), கம்பம் உத்தமபுரத்தைச் சேர்ந்த ரமேஷ் ஆகியோர் கைது &nbsp;செய்யப்பட்டனர். விசாரணையில் ரமேஷ் மீது 8க்கும் மேற் &nbsp;பட்ட வழக்குகள் நிலுவையில் உள்ளதாக தெரியவந்தது. இருவரையும் ஆண்டிப்பட்டி நீதிமன்றத்தில் ஆஜர்படுத்தி &nbsp;சிறையில் அடைத்தனர்.</p>