முன்மாதிரி தொகுதியாக மாற்றுவேன்!

<p><strong>முன்மாதிரி தொகுதியாக மாற்றுவேன்!</strong></p><p>பாப்பிரெட்டிப்பட்டி வேட்பாளர் பி.பழனியப்பன் உறுதி. தருமபுரி, ஏப்.7: பாப்பிரெட்டிப்பட்டி தொகுதியை தமிழகத்திலேயே முன்மாதிரி தொகுதியாக மாற்றுவேன் என திமுக வேட்பாளர் பி.பழனியப்பன் தெரிவித்தார்.</p><p>தருமபுரி மாவட்டம், பாப்பிரெட்டிப்பட்டி சட்டமன்றத் தொகுதியில் மதச்சார்பற்ற முற்போக்கு கூட்டணி சார்பில் போட்டியிடும் திமுக வேட்பாளர் முன்னாள் அமைச்சர் பி.பழனியப்பன், கடத்தூர் பேரூராட்சிக்குட்பட்ட பல்வேறு பகுதிகளில் தீவிர வாக்குச் சேகரிப்பில் ஈடுபட்டார்.</p><p>அப்போது அவர் பேசுகையில், இந்தத் தொகுதியில் நிலவும் குடிநீர் பிரச்னைக்கு நிரந்தரத் தீர்வு காணப்படும். இளைஞர்களுக்கு வேலைவாய்ப்பு உருவாக்கப்படும். விவசாயிகளின் நலன் காக்கப்படும் என உறுதி அளித்தார்.</p>